Jinsiy tajovuz sabablari va uning yechimlari
4-sentyabr kuni Botken viloyatining Qadamjoy tumanida 14 yoshli oʼquvchi qiz oʼlik holatda topilgani xabar qilindi. Xabarga koʼra, oʼquvchi qiz avval zoʼrlangan, keyin esa boʼgʼib oʼldirilgan. Bu voqea jamoatchilikda keng muhokamalarga sabab boʼldi. Darhaqiqat, bunday hodisalar anchadan beri kundan-kunga koʼpayib borayotgani, jamiyatda bunday hodisalar sabablari, ularning yechimi haqidagi savollar odamlarni qiynayotgan edi. Odatdagidek, bu safar ham hukumat odamlar eʼtiborini boshqa muammolardan shu mavzuga burishga harakat qilayotgan boʼlsa, muxolifat bundan oʼz manfaatlari yoʼlida foydalanishga intilmoqda. Oddiy odamlar hissiyotga berilib, gʼazablanib turli soʼzlarni aytayotgan boʼlsa-da, biroq bunday vokealarning asl sabab va yechimini berayotgan siyosatchilarning ogʼziga termulishmoqda. Siyosatchilarning bergan bayonotiga eʼtibor qaratsak, ular haqiqiy yechimni izlashayotgani yoʼq, balki gʼarbdan koʼchirib olgan gaplarini oytib populistik chiqish qilishayotganini koʼramiz.
“Bunday voqealarning asl sababi demokratiya niqobi ostidagi kapitalistik tuzum” desak, koʼpchilik tushinmasligi mumkin. Biroq, bir oddiy haqiqatga eʼtibor bering: sotsialistik tuzum davrida bunday voqealar u qadar ommaviy koʼrinishga ega boʼlmagan va demokratiya niqobidagi kapitalizm qoʼllanilgandan boshlab bunday voqealar kundan kunga koʼpayib, ularning turlari tobora kengayib ortib bormokda. Ilgari kapitalizm sharoitida yashagan mamlakatlarda bunday hodisalar odatiy holga aylangan. (Biz bu bilan sotsializmni targʼib qilmayapmiz, u shubhasiz buzuq tuzum. Biz shunchaki,har bir mafkuraviy tuzumning oʼziga xos turmush tarzi borligini aytyapmiz). Demak, xulosa qilib aytganda, bunday hodisalar kapitalistik tuzumning tatbiq qilinishining tabiiy “mevalari” hisoblanadi.
Bunday voqealar sodir boʼlganidan soʼng ayni shu kapitalizmning “qaldirgʼochlari” boʼlgan siyosatchilar va huquq himoyachilari bu voqealarga nisbatan yechim taklif qilmoqdalar. Masalan, ularning baʼzilari jazolarni keskinlashtirib, oʼlim jazosiga hukm qilish, bichish kabi jazolarni joriy etishni taklif qilgan boʼlsa, boshqalari bunday holda ayblanuvchilarning huquqlari paymol etilishi haqida aytishmoqda. Yana boshqalari esa qattiq jazolar faqat oddiy odamlarga nisbatan qoʼllanib qolishini aytishdi. Ularning qaysi biri toʼgʼri? Bularning toʼgʼrisini aniqlashning iloji yoʼq… (chunki demokratiyaning tabiati shunday, undagi odamlar tomonidan chiqarilgan qonunlar tafovut, xilma-xillik, qarama-qarshilik va muhitdan taʼsirlanishga mahkum). Аgar tilga olingan takliflarga nazar tashlasak,ular boshqa kapitalistik mamlakatlar qonunlarining shunchaki nushasi ekanligini koʼramiz va bilamizki, u davlatlar bunday qonunlar bilan hech qanday muvafaqqiyatga erishmagan. Ha, xukumatimiz manfaatlariga koʼra ularning bir qismi parlament tomonidan qoʼllab-quvvatlanib, balki xalqqa taskin beruvchi qonun boʼlib qolar. Аmmo ular hech qachon bu muammolarning toʼgʼri yechimi boʼla olmaydi.
Demokratiyaga koʼra, eʼtiqod erkinligi, shaxs erkinlik, fikr erkinligi va mulk erkinligi kafolatlanadi. Endi qarang, sizda”Аlloh hamma narsani koʼrib turibdi, gunoh ishlardan oʼzimni saqlay” degan fikr boʼlmasa, aksincha “oʼz nafsim hoxlagancha erkin yashashim kerak”, degan fikr bilan inson nafsi xohlab turganda oʼzini qanchalik tiya oladi? Unga qulay boʼlganda bunday jinoyatlardan uning hikmati bilan fasodni oldi olinadi. Аlloh buyriganidek avratlaringni yopib yuringlar, buning hikmati bilan buzuqliklarga chek qoʼyiladi deyilsa, “mening tanam – mening ishim”degan yarim yalongʼoch ayol jinsiy tajovuz uchun sharoit yaratib bergan boʼlmaydimi? Gʼarbning”ayol xuquqlari”, “gender tengligi”tushunchalari niqobi ostida taʼlim va ish joylarida erkak va ayolning aralashib yurishi, ularni buzuqlikka undaydigan koʼngilochar kechalar davlat tadbiri sifatida uyushtirib berilishi, ularni shaxsiy hayotlarida nikohsiz aloqa qilib yurishlariga sharoitlar yaratib berilishi – bularning barchasi ixtiyoriy buzuqlikdan tashqari – jinsiy tajovuzlar uchun manba boʼlmayabdimi? Koʼzni haromdan toʼsish, soʼzlarda haromdan qochish, shariat talablari asosida yashash oʼrniga fikr erkinligini bahona qilib, buzuq filьmlarni tarqatish erkaklarni zoʼravonlikka undab, ayollarni ularning qurbonlariga aylantirmayabdimi? Mulk erkinligi natijasida esa bir hovuch shaxslar butun boyliklarni ega boʼlib, hokimiyatni ham egallab olishadi. Ular qonunlarni oʼz manfaatlariga moslab ishlab chiqishadi va umumiy qonunlardan ustun boʼlib qoladi. Masalan, shu paytgacha biror bir kapitalistik davlatning amaldor-kapitalisti yoki farzandlari oʼlim jazosiga hukm qilingani yoki kastratsiya qilinganini eshitdingizmi? Ularni hatto oddiy jazoga ham tortishmaydi. Baʼzida kim kuchli boʼlsa ularning jinoyatlari boshqa zaiflarning boʼyniga qoʼyiladi. Demak, demokratiya niqobi ostida kapitalizm hayotimizga tobora chuqurroq kirib borgani sari dahshatli voqealar koʼpayib bormoqda. Nafaqat oʼgay otasi, hatto, oʼz otasi tomonidan zoʼrlanganlik holatlari tez-tez sodir boʼlmoqda. Demokratiya “jarchilari” esa haqiqiy holatni yashirib, bu kabi jinoyatlarni yuzsizlarcha dinga yopishtirishga harakat qilishadi, qanday ham yuzsizlik! Misol uchun, bunday nomusga tajovuz qilganlarning 100tadan bittasida soqol boʼlsa yoki namoz oʼqisa, darhol uning soqoli va namoziga eʼtibor qaratishadi.
Yuqorida taʼkidlab oʼtganimizdek, hayotdagi har bir tuzum oʼziga xos yashash tarziga ega. Endi tasavvur qiling, agar islomiy turmush tarzi boʼlsa, oʼgʼil bolalar va qizlar alohida oʼqitilsa, erkak-ayol aralash ishlamasa, ayol kishi nomahram erkak bilan hilvatda qolmasa, ayol kishi mahramsiz safarga chiqmasa, erkaklar haromdan koʼzini tiysa, ayollar koʼchada yasanib yurmasa, burqsitib atir sepmasa – turmush tarzi mana shunday boʼlganida ayollar qanday jinsiy tajovuzga duchor boʼladi? Mana shunday turmush tarzida ham zoʼravonlar chiqib, gunohga qoʼl urishsa, qozi ularga nisbatan shirʼiy jazo choralarini tayinlab, davlat uni ijro qilib tursa kim ham zoʼravonlik qilardi?
Darvoqe mazkur hodisa tufayli xalq tomonidan taklif qilingan yechimlar ichida jinoyatchilarga nisbatan sharʼiy jazolarni qoʼllash borasidagi soʼzlar ham uchradi. Chunki, musulmon aholimiz oʼz Islomiga talpinmoqda. Biroq bu takliflarning barchasi odamlarning musulmonlik tuygʼularidangina kelib chiqqan boʼlib, ularga aniqlik kiritish kerak boʼladi. Yuqoridagi voqeaga oid qisqacha toʼxtaladigan boʼlsak, agar qizning zoʼrlangani va keyin oʼldirilgani sharʼiy tasdigʼini topsa, tajovuzkorlar avval zino qilgani uchun jazolanadi. Boʼydoq boʼlishsa darra uriladi, turmush qurgan boʼlsa toshboʼron qilinadi. Boʼydoq boʼlgani sababli darra urilganidan soʼng qotilliklari uchun jazolanishadi. Buning jazosi oʼlim, agar davogarlar kechirsa xun puli toʼlaydi. Bu jazolar sharʼiy qozi tomonidan belgilanadi va buni Islom davlati amalga oshiradi. Mana shundagina jazolanganlar oxiratda jazolanmaydi.
Hozir bu jazolarni tayinlaydigan sharʼiy qozi ham, ularni amalga oshiradigan Xalifalik davlati ham yoʼq. Shuning uchun bu jazolar hayotda tatbiq qilinmayapti. Bundan maʼlum boʼladiki, nafaqat bu jazolar, balki Islom toʼligʼicha Xalifalik davlatidagina tatbiq qilinadi. Shuning uchun musulmonlar islomiy hayot kechirishlari uchun Xalifalik davlatini barpo etishlari farzdir. Buning uchun musulmonlar Xalifalikni barpo etishning sharʼiy tariqatini oʼrganishlari kerak. Hozir Hizb ut-Tahrir yigitlari islomiy hayotni boshlash yoʼlida harakat qilishmoqda va odamlarga Islomni oʼrgatmoqda. Mustamlakachi kofirlar va ularning malaylari esa quvgʼin va hibslar orqali xalq va Hizb oʼrtasiga toʼsiq qoʼymoqdalar. Shuning uchun xalq bu toʼsiqlarni olib tashlashlari va Hizbga quchoqlarini ochishlari kerak. Boshqacha aytganda, bu ularni Islom tomon yuz burishlari hisoblanadi.
Hozirgidek Davlatimiz yoʼq boʼlgan vaqtda yuqoridagi kabi fojealar keng tarqalib, odamlar oʼrtasini buzayotgan vaqtda xolis olimlar, taqvoli taʼsir kuchiga ega shaxslar odamlar orasini shariat asosida sulx bilan isloh qilishlari, yaʼni bunday muammolarga oid tegishli sharʼiy hukmlarni tatbiq etishlari kerak. Bugungi kunda esa bunday insonlar “ekstremist”likda ayblanib, taʼqib qilinishmoqda. Shunday ekan, shariat hukmlari qoʼllanishini orzu qilayotgan odamlar davlatdan taʼqiblarni toʼxtatashni talab qilishlari zarur.
Qirgʼizistondagi Hizb ut-Tahrirning matbuot boʼlimi
11. 09. 2022