بِسْمِ اللهِ الرَّحْمٰنِ الرَّحِيمِ
Falastin rejimi asli qabohat va zo‘ravonlikdan iborat quruq uzrlar bilan jamoatchilikni tinchlantirishga urinmoqda!
«Maan News» veb-sayti (hijriy 1442 yil 13 zulhijja, milodiy 2021 yil 23 iyul juma kuni) nashr qilgan xabarda bunday deyiladi:
«Falastin ma’muriyatining fuqarolik ishlari vaziri Husayn Shayx huquq faoli Nizor Bannotning o‘ldirilishi borasida uzr so‘rab, «men prezident Abu Mozin (Mahmud Abbos) nomidan hamda Falastin ma’muriyati nomidan bu hodisa uchun uzr so‘rayman va biz buni fojia deb bilamiz», dedi. Keyin «Biroq bu kabi hodisa dunyoning har qanday mamlakatida sodir bo‘ladi. Bu kabi xato Amerika, Frantsiya va dunyoning boshqa har qanday davlatida uchrashi mumkin», deb qo‘shimcha qildi. «Bo‘lib o‘tgan voqeaga bundan boshqacha yondashishdan hamda xatoni tuzatishga harakat qilishdan boshqa yo‘l yo‘q. Biz sodir bo‘lgan hodisadan faqatgina saboq olishimiz hamda qonun, tartib-qoidalarga to‘g‘ri amal qilishimiz lozim», dedi. Yana qo‘shimcha qildi: «Takror aytaman: afsuski bu kabi hodisa dunyoning aksar demokratik mamlakatlaridan har qandayida yuz berishi mumkin. Biroq biz buning fojia va baxtsiz hodisa, deb bilgan holda uzr so‘raymiz va bundan saboq chiqarishni umid qilamiz».
Bunga izoh sifatida, Hizb ut-Tahrir – muborak Falastin zamini o‘zining saytida bayonot nashr qilib, ushbularni ta’kidladi:
«Bunday dimog‘dor uzr kechikib, rejimning bunday jirkanch jinoyat sodir etganidan bir oy o‘tib so‘raldi. Bundan tashqari, bu uzr iboralariga diqqat bilan qaragan kishi shunga guvoh bo‘ladiki, Falastin rejimi bu kabi hodisaning har qanday davlatda bo‘lishini bir necha marta takrorladi va bu bilan qasddan jinoyat hajmini kichraytirishga, uni sodir etganlarning vahshiyligini yopishga harakat qildi. Go‘yo bu – yo‘l-transport hodisasi yoki odamlarning qilgan xatosi kabi, o‘z-o‘zidan sodir bo‘lgan baxtsiz hodisa qilib ko‘rsatdi!
Rejim va uning rahbarlaridan sodir bo‘lgan bunday beparvo xatti-harakatlar, odamlarning g‘azabiga nisbatan munosabat, jamoatchilikka qilingan bosim, insonlar aql-farosati bilan o‘ynashish orqali so‘ralgan mana shunday dimog‘dorlik uzri hamda ko‘p sodir bo‘luvchi oddiy holat qilib talqin qilingan hodisa, bularning barchasi insonlarga turtki bo‘lmog‘i lozim. Ushbu turtki asosida insonlar rejimdan hisob so‘rash va ovozlarini ko‘tarishga jiddiy harakat qilmoqlari kerak. Aks holda, bu rejim o‘zining tinimsiz sodir etayotgan jinoyatlarini mana shunday uzrlar bilan xaspo‘shlashda davom etaveradi. Vaholanki, bunday uzrlar ham yomonlikda jinoyatdan qolishmaydi!
Roya gazetasining 2021 yil 4 avgust chorshanba kungi 350-sonidan