بِسْمِ اللهِ الرَّحْمٰنِ الرَّحِيمِ
Tahriri Shom hay’ati Shom tog‘utidan nimasi bilan farq qiladi?!
Tahriri Shom hay’atiga qarashli «Vatad» neftь kompaniyasi tomonidan yonilg‘i mahsulotlari narxining to‘xtovsiz oshirilishi hamda buning barobarida Idlib va uning atrofida asosiy tovarlar narxining ortib ketishi manzarasida, Hizb ut-Tahrir – Suriya viloyati matbuot bo‘limi raisi ustoz Ahmad Abdulvahhob matbuot bayonotida bunday dedi:
«Ozod etilgan mintaqalar, deyilayotgan erlarda narx-navoning oshib ketishi quyidagicha bir necha sabablarga borib taqaladi:
«Tovarlarning ma’lum shaxslar manfaati yo‘lida monopoliya qilinishi va boshqalarning raqobat qilishga yo‘l qo‘ymaslik. Tabiiyki, bunday mutlaq monopoliyani qo‘lga kiritishi evaziga shaxs to‘laydigan foiz ham mavjud. Bu monopoliya shaxsni mana shu tovarlar narxiga hukmron qilib, to‘lagan foizi muqobilida narxlarni istagancha ko‘taradigan qilib qo‘yadi va o‘z navbatida, bu qimmatchilikni keltirib chiqaradi. Qimmatchilikni esa, iste’molchi to‘layapti… Iste’molchiki, u Shom tog‘uti ostida yashashga rozi bo‘lmay, molu jonini qurbon qilgan va uy-joyidan ajragan muhojirdir. Ustiga-ustak, bu yoqda tovarlarning baland narxlaridan tashqari, ularga chegaradan o‘tishda solinayotgan soliqlar ham bor. Shu bilan birga, monopoliya qilingan yoqilg‘i mahsulotlari narxini oshirish, o‘z navbatida, tovarlarning bir shahardan boshqa shaharga olib borish-transport xarajatlarini ham oshirib yubormoqda. Mana shulardan so‘ng odamlarni aldab, «narxlarni tartiblashtirish», degan dastak bilan narxlarning osmonga chiqib ketganidan chalg‘itishmoqda!».
Ahmad Abdulvahhob bayonot so‘nggida quyidagilarni ta’kidladi:
«Qimmatchilikka qarshi kurash narxlarni tartiblashtirish bilan emas, balki taklif va talab qonunini qo‘llash, monopolistlarga qarshi kurash, tovarlarga soliq solmaslik bilan bo‘ladi».
Roya gazetasining 2021 yil 7 iyul chorshanba kungi 346-sonidan