بِسْمِ اللهِ الرَّحْمٰنِ الرَّحِيمِ
Kufrning millati bitta, buning misoli Frantsiyadir
Al-Jazira net veb-saytida (hijriy 1442 yil 23 safar, milodiy 2020 yil 10 oktyabr shanba kuni) nashr qilingan xabarda bunday deyiladi:
«Frantsiyaning Telь-Avivdagi elchisi Erik Danon o‘z bayonotida Parijning «Isroil»-Falastin mojarosini ikki davlat echimidan farqli taklif bilan hal etishga rozi bo‘lishi mumkinligini aytdi. Bu bayonot yangi bo‘lmasa-da, ammo u yahudiylar bilan munosabatlarni normallashtirish bo‘yicha «Isroil»-Amirliklar-Bahrayn kelishuvi ortidan yangradi. Shuningdek, bu bayonot prezidentlik saylovlari oldidan o‘zining tashqi siyosatini muvaffaqiyatli qilib ko‘rsatishga hamda qo‘llab-quvvatlov topishga urinayotgan AQSh prezidenti Donalьd Tramp ma’muriyati pozitsiyasiga mos yo‘nalishda aytildi.
«Maorif» gazetasi Parijdagi yuqori martabali diplomatik manbalardan iqtibos keltirgan holda Parijning «Isroil»-Falastin mojarosi bo‘yicha o‘z pozitsiyasini yangilaganini xabar qildi. Shuningdek, Parijning ikki davlat echimidan farqli echimga rozi bo‘lishi mumkinligini ham istisno qilmadi.
Frantsiya pozitsiyasidagi ushbu o‘zgarish alomatlari «Alliant» tashkiloti o‘tkazgan muhokama chog‘ida namoyon bo‘ldi. «Alliant» Evropa-«Isroil» o‘rtasidagi strategik munosabatlarni mustahkamlashga ko‘maklashuvchi tashkilot hisoblanadi.
Muhokama chog‘ida Frantsiya elchisi shunday dedi: «Biz falastinliklar nomidan muzokara olib bormaymiz, chunki bu ikki tomonlama masala. Shuning uchun biz yuzaga kelgan yangi shartlarni hisobga olishimiz va tomonlarni muzokara stoliga qaytishga chaqirishimiz kerak».
Elchi quyidagilarni qo‘shimcha qildi: «Oxir oqibat nima bo‘lishini hech kim bilmaydi… bitta davlat echimi bo‘ladimi, ikki davlat echimimi, bu Quddus bilanmi yoki undan boshqasi bilanmi, noma’lum. Biz ikki davlat echimi bo‘lishi afzal deb bilamiz. Biroq bu boshqa echimni qabul qila olmasligimizni anglatadimi? Yo‘q albatta! Biz ikki tomon – Falastin-«Isroil» – rozi bo‘ladigan har qanday echimni qabul qilishimiz mumkin».
Ta’kidlash lozimki, Frantsiya pozitsiyasidagi bunday o‘zgarish va «isroilliklar» tarafiga o‘tish Amirliklar va Bahraynning «Isroil» bilan munosabatlarni normallashtirish bitimi ortidan yuzaga keldi. Bunga elchining mana bu so‘zlarini misol qilish mumkin: «Amirliklar va Bahraynning «Isroil» bilan Abraham bitimini (munosabatlarni normallashtirish bitimini) imzolashlari mumkinligini bundan olti oy muqaddam hech kim o‘ylamagan edi». Keyin u «falastinliklar o‘z vaziyatlarining xalqaro maydonda ham, arab davlatlari sahnida ham zaif ekanini hisobga olmoqlari kerak», deya qo‘shimcha qildi».
Roya:
Aftidan, Frantsiya prezidenti Makron ichki siyosatdagi o‘z muvaffaqiyatsizligini yashirish maqsadida o‘zini go‘yo Islom Ummati ustidan g‘alaba qozongan qilib ko‘rsatishga urinayotgan ko‘rinadi… Goh Islomni jinoyatchiga chiqarsa, goh o‘zini musulmonlarning eng muhim taqdiriy masalalaridan birini hal etishga qodir qilib ko‘rsatmoqchi. Bizning ushbu muborak Falastin zaminidagi masalamizni qo‘zg‘ash uchun u Amerikaning ikki davlat echimini ba’zi erlarini frantsuzcha stilda ta’mirlamoqchi va buni Quddus taqdiridan ko‘z yumgan holda, ikkitomonlama muzokaralar echimini qidirish orqali amalga oshirmoqchi.
Muborak Falastin zamini masalasiga nisbatan G‘arb davlatlari siyosatlarini o‘rgangan kishi shunga guvoh bo‘ladiki, bu davlatlarning barchasi boshqalar, ayniqsa musulmonlar bilan ikkiyuzlamachilik bilan shartlashishadi. Keyin ba’zi rejalarini o‘zlarining siyosiy g‘arazlariga xizmat qiladigan, mustamlakachilik manfaatlarini amalga oshiradigan tomonga o‘zgartirishadi. Mutlaqo uyalmasdan, yuzsizlarcha yahudiylar manfaati va ularning kengayish istaklarini yoqlayotganlari ham ularning ana shu mustamlakachilik manfaatlaridan biridir. Musulmon yurtlaridagi hukmdorlarga kelsak, ular xoinlik va malaylik botqog‘iga bo‘g‘izlarigacha botishgan va mana shunday tashabbuslarni mintaqada tinchlik o‘rnatishning birdan-bir kafolati deb biladilar. Bu tashabbuslarni ular mintaqadagi doimiy echimning yagona yo‘li shu, deya zo‘rlab tiqishtirishni istashadi. So‘zimiz nihoyasida shuni ta’kidlaymizki, Frantsiya Islom dunyosining urib turgan yuragi hisoblangan Falastinda yahudiylar vujudini mustahkamlashga hamda ko‘lamini kengaytirib, bu vujudga tabiiylik tusini berishga har qancha urinmasin, shuningdek, mutakabbir AQSh prezidenti Tramp har qanday kelishuvlarni tuzmasin, Islom Ummati bunday nopok tashabbuslar va iflos kelishuvlarga qayrilib ham qaramaydi. Chunki Ummat Falastinning bir qarich eridan ham, Quddusdagi pokiza tuproqning zarrasidan ham hargiz voz kechmaydi. Ummat o‘zining tortib olingan hokimiyatini qaytarib olish uchun qisqa vaqt ichida albatta qo‘zg‘aladi va yahudiylarga qarshi otilib chiqib, armiyalarini ularning vujudini ildizi bilan qo‘porib tashlash sari harakatga keltiradi.
Roya gazetasining 2020 yil 14 oktyabr chorshanba kungi 308-sonidan