بِسْمِ اللهِ الرَّحْمٰنِ الرَّحِيمِ
Sudandagi toshqinda uylar vayron bo‘lib, odamlar nobud bo‘lmoqda, o‘tish davri hukumati esa, ko‘rilgan ziyonlarni hisoblash va yordam berishga va’da qilishdan boshqa hech narsa qilmayapti
«Frans 24» veb-sayti «hijriy 1442 yil 16 muharram, milodiy 2020 yil 4 sentyabr juma kuni» quyidagi xabarni nashr qildi:
«Sudandagi Nil daryosining suv sathi ko‘tarilib, rekord darajasiga etdi. Suv toshib, uylarga kirishi oqibatida 60 mingga yaqin uy-joy vayron bo‘ldi, o‘nlab inson nobud bo‘ldi. Moviy Nil sathi 17 metrdan oshish bilan, ilgargi rekord darajalarni yangiladi».
Roya:
Yomg‘ir mavsumi hammaga ma’lum, hech qachon kutilmaganda kelmaydi. Biroq Sudandagi keti uzilmay kelayotgan omadsiz rejimlar har yili yomg‘ir oqibatini, shu jumladan, Nil toshqini oldini olish uchun hech narsa qilmaydi. Vaholanki, kuz kelmasdan oldin anhor-ariqlarni ochish va joylarda Nil daryosi qirg‘oqlarini ko‘tarish kabi ma’lum chora-tadbirlarni ko‘rish shu rejimning vazifasi hisoblanadi. Buning o‘rniga, har yili musibatlar takrorlanadi, yurt ancha fuqarosidan ayriladi, ekinlarni suv yuvib ketib, chorvalar och qoladi, odamlar uy-joysiz qoladi… hukumatlar esa, musibatlarni tomosha qilib, ko‘rilgan ziyonlarni hisob-kitob qilishdan boshqa narsani bilishmaydi. Bu yil ham xuddi shunday bo‘ldi. Inqilob ortidan kelgan va odamlar jiddiy o‘zgarish qiladi, deb kutayotgan yangi hukumat og‘may, adashmay eski hukumat yo‘lidan yurmoqda. Mana, u ham ko‘rilgan ziyonlarni hisob-kitob qilib, so‘ng ofatdan oldin ham, keyin ham qilishi kerak bo‘lgan ishni qilmayapti, hammani nobud bo‘lishga qo‘yib beryapti.
Roya gazetasining 2020 yil 9 sentyabr chorshanba kungi 303-sonidan