Bayrutdagi portlash davlat idoralaridagi korruptsiyaning chuqur ildiz otganini fosh qildi
Bugun asrdan keyin poytaxt Bayrutda katta portlash yuz berdi. Keyinroq portlash Bayrut bandargohining 12-sonli omborxonasida yuz bergani ma’lum bo‘ldi.
Odamlar turli tarmoqlarda tarqatilgan videolavhalar orqali portlashning naqadar dahshatli bo‘lganiga guvoh bo‘lishdi. Juda kuchli portlash to‘lqinidan butun poytaxt zarar ko‘rdi va portlash ta’siri poytaxt bo‘ylab 40 km.gacha cho‘zildi. Hatto uning ta’siri Kiprga o‘xshash qo‘shni davlatlargacha etib bordi… Bayrutning aksar aholisi uni zilzila deb o‘yladi va hayotning oxirgi lahzalari degan gumon bilan shahodat kalimasini aytishdi.
Hukumat tomonidan rasmiy hisobot e’lon qilingan bo‘lib, unga ko‘ra halok bo‘lganlar soni 73ta va jarohatlanganlar 4000tani tashkil qilgan. Lekin bu ro‘yxat yana o‘zgarishi mumkin. Oliy mudofaa kengashi Bayrutni falokat zonasi deb e’lon qildi.
Biz Hizb ut-Tahrir – Livan viloyati a’zolari Allohdan Livan ahliga salomatlik va xavfsizlik berishini, shuningdek, jarohatlangan va musibat chekkanlarga rahm qilishini so‘raymiz. Chunki ish o‘ta jiddiy bo‘lib, keng maydonga cho‘zilgan vayronagarchilik ko‘rinishlari aksar ommaviy axborot vositalari xodimlarini va kuzatuvchilarini yig‘latgan…
Bundan ham achinarlisi ushbu omborxonalarda hozirgacha portlovchi moddalar saqlanmoqda. Ular Eron Hizbining yahudiy vujudi uchoqlari nishonidagi qurol-aslahalarimi yoki bandargohda bekordan saqlanayotgan portlovchi moddalarmi bundan qat’iy nazar nima uchun shaharga tutashgan portda portlovchi moddalar saqlanishiga yo‘l qo‘yilgan. Axir bu joy shaharning aholi yashaydigan va yashash uchun muhim mintaqasi-ku. Ey korruptsiyachilar, nahotki shunchalar bo‘lishiga yo‘l qo‘ygansanlar?!!
Darhaqiqat, ushbu portlash davlat idoralarida chuqur ildiz otgan korruptsiyani fosh qildi. Ushbu korruptsiya poytaxtni qurol-aslaha bo‘ladimi yoki portlovchi moddalar bo‘ladimi, bundan qat’iy nazar, portlovchi vulqon qarshisida himoyachisiz tashlab qo‘ydi.
Shundoq ham odamlar bu yurtda siyosiy xavfsizlikni va o‘z salomatliklarini yo‘qotishgan edi. Endi bo‘lsa, o‘zlarining, bolalari va oilalarining hayoti xavf ostida qolgani ochiq haqiqatga aylandi. Chunki na bugungi hukumat va na oldingilari odamlar xavfsizligi yoki hukumatdagi korruptsionerlarni muhosaba qilish masalasida biror ish qilishmadi. Hukumat yurtdagi turli sohalarni, jumladan bandargohni korruptsiya o‘chog‘iga aylantirdi. Korruptsiya odamlar hayotining barcha jihatlarini egalladi va hatto ularning uylarigacha kirib bordi… Ana o‘sha korruptsionerlar hokimiyatga tish-tirnog‘i bilan yopishib olishgan… Bu qachongacha davom etadi?!
Ammo Livandagi korruptsiyachi siyosiy elita mas’ul shaxslarni bir necha soat bayonot bermay soqov bo‘lib turishiga majburladi. Holbuki, ular bayonot berishga usta edilar. Biz bu siyosiy elita va uni qo‘llab-quvvatlayotgan kishilarga Rosululloh ﷺning quyidagi hadisini aytamiz:
«اللَّهُمَّ مَنْ وَلِيَ مِنْ أَمْرِ أُمَّتي شَيْئاً فَشَقَّ عَلَيْهِمْ فاشْقُقْ عَلَيْهِ، وَمَنْ وَلِيَ مِنْ أَمْرِ أُمَّتِي شَيْئاً فَرَفَقَ بِهِمْ فَارْفُقْ بِهِ»
«Ey Allohim, kimki ushbu Ummatim ishiga rahbar etib tayinlansa-yu, ularga mashaqqat tug‘dirsa, sen ham uning ishlarini mashaqqatli qil. Kim rahbar etib tayinlansa-yu, ularga yumshoqlik qilsa, sen ham unga rahm qil». Muslim rivoyati.
Achchiq haqiqat shuki, Livan boshqa islomiy yurtlar kabi siyosiy, iqtisodiy va ijtimoiy jihatdan xavfsiz bo‘lmagan holatda yashamoqda. Tarixda bu kabi holat kuzatilmagan… Shuning uchun bugun odamlar, xususan quvvat ahli hamda ahli hal va aqddan ushbu hukumat va rejimlarga barham berishi talab qilinadi. Bu sarqitlarni ildizi bilan qo‘porib tashlashdan boshqa foydali echim mavjud emas. Aks holda, bir falokat ortidan ikkinchisi kelaveradi. Shuningdek, anavi korruptsiyachilar qo‘lida yana qancha musibatlar yog‘iladi hech kim bilmaydi.