Amirliklarning yahudiylar bilan kelishuvi munofiqlik va xiyonatdir
2020 yil 13 avgustda Birlashgan Arab Amirliklari, AQSh va yahudiy vujudi tomonidan chiqarilgan qo‘shma bayonotda aytilishicha, AQSh prezidenti Donalьd Tramp, yahudiy vujudi bosh vaziri Netanьyaxu va Abu Dabi shahzodasi Muhammad ibn Zoyidlar o‘rtasida kelishuv imzolangan. Bu Amirliklar bilan yahudiy vujudi o‘rtasida bevosita ikki tomonlama munosabatlarni to‘liq normallashtirishga oid kelishuvdir. Alloh Taolo yahudiylar haqida bunday degan:
يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللَّهَ لاَ يَهْدِي الْقَوْمَ الظَّالِمِينَ فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَى أَن تُصِيبَنَا دَائِرَةٌ فَعَسَى اللَّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ فَيُصْبِحُواْ عَلَى مَا أَسَرُّواْ فِي أَنفُسِهِمْ نَادِمِينَ
«Ey mo‘minlar, yahudiylar va nasroniylarni do‘st tutmangiz! Ularning ba’zilari ba’zilariga do‘stdirlar. Sizlardan kim ularga do‘st bo‘lsa, bas, u o‘shalardandir. Albatta, Alloh zolim qavmni hidoyat qilmas. Bas, Siz dillarida maraz bo‘lgan kimsalar: «Bizga biron balo etishidan qo‘rqamiz», degan hollarida ular (kofirlar) tomonga shoshayotganlarini ko‘rasiz. Shoyad Alloh musulmonlarga g‘alaba bersa yoki o‘z huzuridan (bu munofiq kimsalarni sharmanda qiladigan) biron ishni keltirib, ular ichlarida yashirgan narsalariga nadomat qiluvchilarga aylanib qolsalar» [Moida 51-52]
Birlashgan Arab Amirliklar oshkor qilgan bunday xiyonat Islom Ummati uchun tasodif bo‘lgani yo‘q. Nega ham tasodif bo‘lsin, axir, Ummat bu ruvaybiza malay hukmdorlardan qancha-qancha xiyonat qilish, yordamsiz tashlab qo‘yish, mas’uliyatsizlik va nomardlik kabi illatlarni ko‘rgan bo‘lsa?! Bularning barchasi kelasi o‘nlab avlodga ibratlanishlari uchun kifoya qiladi. Ayniqsa, bu Fors Ko‘rfazi davlatlari hukmdorlari o‘zlarida yahudiy vujudi bilan munosabatlarni normallashtirish uchun Amerikaning etagini ushlashdan boshqa niyatlari yo‘q ekanini o‘tgan yaqin yillar mobaynida butun olamga ma’lum qilishdi. Alloh Taolo bunday degan:
وَمِنَ الْأَعْرَابِ مَن يَتَّخِذُ مَا يُنفِقُ مَغْرَماً وَيَتَرَبَّصُ بِكُمُ الدَّوَائِرَ عَلَيْهِمْ دَائِرَةُ السَّوْءِ وَاللَّهُ سَمِيعٌ عَلِيمٌ
«A’robiylar orasida shunday kimsalar ham borki, qilgan sadaqasini (o‘zi uchun) ziyon deb biladi va sizlarga (mo‘minlarga) balolar kelishiga ko‘z tutib turadi. (Barcha) yomon balo(lar) o‘zlariga bo‘lsin! Alloh eshitguvchi, bilguvchidir» [Tavba 98]
Muborak Falastin zaminiga qilingan bunday mal’un jur’atni to‘xtatib qolishning faqat bitta chorasi bor. U ham bo‘lsa, Aqso masjidini ozod etish uchun qo‘llangan choraning o‘zidir. Aynan shu chora tufayli Ummat o‘z qahramonlari bilan faxrlanib kelmoqda… Aynan shu chora sababli Ummat hanuz o‘z farzandlariga Umar, Xolid, Salohiddin… kabi zotlarning ismini qo‘yib kelmoqda. Chunki har safar Ummat Quddus Sharifni ozod etmoqchi bo‘lganda albatta Xalifalik armiyasi bilan bostirib borgan. Biroq, bugungi kunda Xalifalik armiyalari qayda qoldi?!
Ey musulmonlar!
Biz tushunib turibmizki, bu kofir G‘arb «Falastindan voz kechgan musulmon hokim» haqidagi sahna o‘yinini takror-takror qo‘yishda davom etayotgan bo‘lsa-da, sizning yahudiy vujudining taqdiri albatta Islom Ummati qo‘lida, degan ishonchingiz aslo o‘zgarmayapti. Hatto biz sizning haqiqiy pozitsiyangiz xalifa Abdulhamid rohimahulloh yozib qoldirgan pozitsiya ekanini ham bilamiz: «… Ammo men tirik ekanman, Falastinni Xalifalik davlatidan bo‘lib tashlanganini ko‘rish men uchun badanimning skalpel bilan tilka-pora qilinishidan ham engilroqdir, bu hargiz bo‘lmaydigan ish».
Yana qayta aytamiz: bugungi kunda Xalifalik armiyalari qayda qoldi?!
Bunga javob: Xalifalik armiyasi qachonki xalifaga bevosita bay’at qilingani e’lon etilgan lahzada tug‘iladi. Chunki bay’at boshlanishi uchun avvalo Islom diyorini mudofaa qiladigan va yurtlarni fath etadigan armiyani bay’at qilingan xalifaga topshiradigan kishi bo‘lishi lozim. Bu ilk Islom davlati barpo bo‘lgan ikkinchi Aqaba bay’atida ansoriylar aytgandek bo‘ladi. O‘shanda Barro ibn Ma’rur Payg‘ambarimiz ﷺga «Sizni haq ila yuborgan Allohga qasamki, biz sizni o‘z oilamizni mudofaa qilgandek mudofaa qilamiz. Sizga bay’at qildik yo Rosululloh, chunki biz urush ahlimiz», degan edi.
Shuning uchun bugungi kunda va shu lahzada biz ham Islomning qudrat ahli orasidagi mard insonlarining g‘ayratini qo‘zg‘amoqdamizki, ular musulmonlarning bitta imom-xalifasiga bay’at qilish uchun Hizb ut-Tahrir bilan barobar harakat qilib, Islom Ummati orqasiga sanchilgan xanjarni Hizb bilan birgalikda sug‘urib tashlasinlar. Ogoh bo‘lingizkim, bu xanjar anavi xoin hukmdorlardir. Shuningdek, Islom Ummatining ko‘ksiga sanchilgan xanjarni Hizb bilan birgalikda sug‘urib tashlasinlar. Ogoh bo‘lingizkim, bu xanjar muborak zaminni bosib olgan yahudiy vujudidir. Alloh Taolo bunday dedi:
يَاأَيُّهَا الَّذِينَ آمَنُوا إِنْ تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ
«Ey mo‘minlar, agar sizlar Allohga yordam bersangiz, U zot ham sizga nusrat-yordam berur va jang maydonida qadamlaringizni sobit-barqaror qilur» [Muhammad 7]
Muhandis Salohiddin Azoza
Hizb ut-Tahrirning markaziy matbuot bo‘limi raisi