So‘xdagi janjalda qovug‘idan yaralangan yigit og‘ir ahvolda qolmoqda
31 may kuni O‘zbekiston – Qirg‘iziston davlat chegarasida bo‘lgan intsidentda o‘q egan so‘xlik 19 yashar yigit og‘ir ahvolda shifoxonada qolmoqda.
Yigitning otasi, Ozodlik bilan suhbatda, o‘g‘li hanuz shifoxonaning jonlantirish bo‘limida qolayotganini aytdi. Ismini sir saqlashni lozim topgan otaga ko‘ra, shu kunga qadar IIV yoki prokuratura o‘g‘lining jarohatlangani yuzasidan unga murojaat qilmagan.
So‘x tuman IIB va Farg‘ona viloyat IIBdan ham chegaradagi intsidentda o‘q otar quroldan jarohatlanganlar bo‘yicha surishtiruv olib borilayotganiga oid biror ma’lumot olishning imkoni bo‘lmadi.
Qirg‘izistonning Botken viloyati Ichki ishlar boshqarmasi matbuot kotibi Damira Yusupova esa 31 may kungi intsidentda qirg‘izistonliklar tomonidan birorta o‘q otilmagan, birorta qurol qo‘llanilmagan, deb bayonot berdi.
Izoh: Ba’zi norasmiy xabarlarga ko‘ra, So‘g‘ tumanida o‘nga yaqin kishi o‘q otar quroldan jarohatlangan. Qirg‘iziston tomonidan O‘zbeklar tomoniga hatto ov miltig‘idan ham o‘q uzilgan emas. Ular kim tomonidan jarohat olgan bo‘lishlari mumkin?
Yodingizda bo‘lsa 2010 yili O‘sh voqe’asi vaqtida bir necha xorijlik snayperlar qo‘lga olingan edi. Ular Rossiya fuqorolari ekani haqida ma’lumot tarqab, ko‘p o‘tmay bosh prokurorning o‘zi ham ularni topa olmay davlat miqyosida ishni yopib yuborishgan edi. Snayperlarning asosiy vazifasi, har ikki tomon vakillarini o‘qqa tutish orqali susayib borayotgan jangni jadallashtirishdan iborat bo‘lgan! Maqsadlarini ro‘yobga chiqarish yo‘lida har ikki tomondan yuzlagan odamlarni otib o‘ldirishgan edi.
O‘zbekiston hozirdagi xalqaro siyosiy integratsion jarayonida G‘arb va Rossiyaning bosimi ostida qoldi. Alisher Usmonov vositasida olib borilayotgan Rossiyaning bosimi nafaqat millionlagan dollardagi insonparvarlik mablag‘lar, balki milliy nizolar chiqarish singari iflos uslublar vositasida ham olib borilishi mumkin. Aks holda So‘g‘dagi o‘q otar (topponcha) quroldan jarohatlangan odamlar haqida nima deyish mumkin?
So‘g‘ tumani O‘zbekistonning Qirg‘iziston ichidagi anklav (o‘ralgan) hududi bo‘lishi bilan bir qatorda, u erning asosiy fuqorolarini Tojik millat vakillari tashkil etadi. Keskinlik uchun O‘zbek, Qirg‘iz va Tojik millatlari o‘rtasidagi janjalga sabab bo‘lishi mumkin bo‘lgan o‘ta nozik strotegik mintaqa tanlangan.
Tojik millatiga mansub o‘zbek fuqorolarini Qirg‘iz fuqorolari otmagan bo‘lsa, uni o‘zbek harbiylari yoki maxfiy xizmati vakillari otgan bo‘ladi. Yoki ular kim otganini topib xalqqa oshkor qilishlari kerak! U erda o‘q otar qurol, xossatan to‘pponcha faqat maxsus odamlarda bo‘lgan. Har ikki tomonning oddiy xalqida umuman qurol bo‘lgan emas! Demak bu ish maxsus hukumat vakillari tomonidan yoki xalqaro maxfiy kuchlari tomonidan amalga oshirilgan taqdirda ham, davlat uni yopib yuboradi. Yoki biror bechoradan “terrorist” yasab, ishni unga yuklab yuborishadi. Nima bo‘lganida ham, milliy nizoni urush darajasiga olib chiqish maqsadlari to‘la amalga oshmadi! To‘g‘rirog‘i bu safar amalga oshmadi! Ogoh bo‘laylik millatchilik ustimizda kufr manfaati ostida yana tahdid sola boshladi!
Abdurazzoq Mo‘’min.