Chora-tadbirlar Falastin masalasi uchun dahshatli xavf mavjudligini hamda uni qutqarish uchun Ummat va uning armiyalarini harakatlantirish zarurligini koʻrsatmoqda

471
0

بِسْمِ اللهِ الرَّحْمٰنِ الرَّحِيمِ

Chora-tadbirlar Falastin masalasi uchun dahshatli xavf mavjudligini hamda uni qutqarish uchun Ummat va uning armiyalarini harakatlantirish zarurligini koʻrsatmoqda

Yahudiy vujudi bosh vaziri Binьyamin Netanьyaxu manzilgohlar qurilishi toabad davom etadi, boshqa manzilgohlar ham aslo buzilmaydi, dedi. Vazirlikdagi kichik guruh ham istilo etilgan Gʻarbiy sohilning 60 %ini tashkil qiluvchi “V” zonasida olti mingta uy-joy qurilishi qarorini maʼqulladi. Bu bayonotlar va vazirlik guruhi qarori AQShning “Isroil”dagi elchisi Devid Fridmanning bayonoti bilan bir vaqtda yangradi. Fridman CNN axborot agentligiga Amerikaning ikki davlat loyihasidan falastinliklar muxtoriyatini afzal koʻrayotgani haqida aytar ekan, jumladan, “Biz Falastinning avtonomiya va fuqaroviy boshqaruviga ishonamiz, bu avtonomiyaning “Isroil” xavfsizligiga daxldor punktga qadar choʻzilishi kerak, deb bilamiz va hozir vaziyat juda chigal”, dedi. Ammo Falastin masalasining bitta davlat yechimi boʻyicha hal etilishi tomon ketayotganini rad etdi. Bu bayonot prezident Tramp maslahatchisi Jared Kushner bilan AQShning tinchlik muzokarasi boʻyicha maxsus vakili Jeyson Grinblattdan iborat delegatsiyaning Yaqin Sharq safari bilan bir vaqtda yangradi.

Shu xususda Hizb ut-Tahrir – muborak Falastin zamini matbuot boʻlimi bayonot chiqarib, unda quyidagilarni taʼkidladi:

“Bu bayonotlar, qarorlar va delegatsiya safarlaridan Falastin ahliga qarshi ulkan til biriktiruv ketayotgani koʻrinib turibdi. Amerika yahudiy vujudi manfaati uchun Falastin masalasini yoʼq qilish yoʼlida bor kuchini sarflamoqda. Zotan, yahudiy vujudi ham Amerikaning qoʻllab-quvvatlovidan foydalangan holda, qurilishlarni kengaytirishga bor imkoniyatini sarflab, u yerda yangi vaziyatni paydo qilishga zoʻr berib intilmoqda. Xususan, Fridman bayonoti Amerikaning ikki davlat yechimi loyihasidan voz kechganini va Gʻarbiy Sohil qismida Falastin muxtoriyat boshqaruvi boʻlishini afzal bilayotganini ifodalamoqda”.

Bayonot buni quyidagicha izohladi:

“Bugun Falastin ahli va Islom Ummati boshi uzra tuzoq, fitna, xiyonat va makrning qora bulutlari soya solayotgan ekan, musulmonlar shuni bilmoqlari lozimki, ularning gʻarbparast hukmdorlari 1948 va 1967 yillari Falastinni allaqachon sotib boʻlishgan. Demak, bugungi hukmdorlar oʻshalarning avlodi va ajdodlari yoʼlidan yurib, Trampning mashʼum bitimini qabul qilishyapti. Buni azbaroyi taxtlari, kursilari va mol-davlatlarini saqlab qolish uchun qilishyapti. Bunday hukmdorlarga hargiz ishonib-suyanib boʻlmaydi, faqat til biriktiruvchilar yoki nodonlar ularga ishonadi”.

Bayonot soʻnggida bunday deya ogohlikka chaqirildi:

Xavf gʻoyat katta, til biriktiruv ham ulkan. Demak, Islom Ummati Falastin masalasining qattiq xavf ostida qolganini hamda Falastin ahlining avvalo Allohdan, keyin Islom Ummati va uning qoʻshinlaridan boshqa umidi yoʼqligini anglamoqlari lozim. Islom va uning armiyalari Paygʻambarlik minhoji asosidagi roshid Xalifalik davlatini barpo etishga qodirlar. Ushbu davlat esa, Falastinni ozod etib, yahudiy vujudini ildizi bilan qoʻporib tashlaydi, AQSh va uning gumashtalarini oʻz yurtlariga quvib soladi, agar yurtlari saqlanib qolsa, albatta.

Roya gazetasining 2019 yil 7 avgust chorshanba kungi 247-sonidan

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Time limit is exhausted. Please reload CAPTCHA.