Ularning muborak zaminni ozod etish uchun armiyalarni harakatga keltirish toʻgʻrisidagi gap-soʻzlari aldovdan boshqa narsa emas
“Hadas” veb-sayti hijriy 1440 yil 25 robius-soniy, milodiy 2019 yil 1 yanvar seshanba kuni nashr qilgan xabarda bunday deyiladi:
«Eron Ichki xavfsizlik kuchlari qoʻmondoni general Husayn Ashtariy Tehronda Falastin Islomiy jihod harakati bosh kotibi Ziyod Naxola boshchiligidagi delegatsiya bilan uchrashdi. Uchrashuvda Ashtariy Eron kuchlari katta qudrat va imkoniyatlarga ega ekanini taʼkidlar ekan, Falastin qarshilik jabhasining ichki xavfsizlik kuchlarini mashqdan oʻtkazib berishga tayyorligini maʼlum qildi.
U “Imom Xomenei Falastin qarshilik harakatini doim qoʻllab-quvvatlaydi, biz ham uning yoʻlidan yurib, har qanday zarur yordamlar taqdim etish uchun doim Falastinning mazlum xalqini qoʻllab-quvvatlaymiz”, dedi.
Oʻz navbatida, Falastin “Islomiy jihod” harakati bosh kotibi ham Eronning – mintaqadagi baʼzi davlatlardan farqli oʻlaroq – qarshilik harakatini qoʻllab-quvvatlashini olqishladi. U Eron Ichki xavfsizlik qoʻmondonining qoʻllab-quvvatlovini maqtar ekan, uning kuchlarining qudrat va imkoniyatlari qarshilik fronti harakatiga albatta yordam berishini bildirdi.
Roya gazetasi sharhi:
Eron rejimining odati shu. Ish muborak Falastin masalasiga taalluqli boʻlsa, bas, quruq shiorlar koʻtarib chiqish va bosqinchi yahudiylarga yolgʻon tahdidlar qilishni yaxshi biladi, qarshilik harakatini qoʻllab-quvvatlash toʻgʻrisida nogʻora qoqadi. Vaholanki, uning qoʻlida Falastinni bir kunda ozod qilishga qodir mukammal harbiy qudrati bor. Biroq ish xoʻjayini Amerikaga xizmat qilishga hamda uning Shom, Iroq, Yaman va Afgʻonistondagi manfaatlarini mustahkamlashga taalluqli boʻlsa, darhol askarlarini, jangarilarini safarbar qiladi… U toifachilik shiorlarini hamda “qarshilik mehvari” (asosiy qarshilik koʻrsatuvchi kuchlar) deya nomlangan yolgʻonni ishga solib, musulmonlar qonini toʻkadi, qirgʻinlarni sodir etib, ularni oʻz yurtlaridan chiqarib, muhojirlarga aylantiradi.
Jinoyatkor Eron rejimi muborak Falastin zaminini ozod etishga qodir boʻla turib, u yerdagi jangchi guruhlarni qoʻllab-quvvatlashi koʻzboʻyamachilikdan boshqa narsa emas. Ularning hammasi sarobga ishonish bilan aldanishda davom etmoqdalar. Eron rejimining bu ishlari Alloh Azza va Jallaga xiyonatdir. Chunki Alloh musulmonlar yurtlaridan hatto bir qarich yeri bosib olinsa ham, zudlik bilan armiyalarni harakatga keltirishga buyurgan. Bugun yahudiylar – bir qarichi u yoqda tursin – oʻnlab yillardan beri butun Falastin zaminini bosib olib kelishmoqda. Ular ushbu zaminning pokiza tuprogʻini toptashmoqda. Bundan tashqari, Eron rejimi ushbu zamin va uning ahlini yaxshi koʻrgani uchun “qoʻllab-quvvatlov”, degan narsani gapirmayapti… Chunki bu kabi rejimlar musulmonlarga nisbatan na ahdga va na burchga boqishadi. Falastinni ozod etish va u yerdagi qarshilik harakatlariga yordam berish uning tashvishi emas. U aytayotgan “qoʻllab-quvvatlov” zahriqotildir. Chunki bu rejimning qoʻllab-quvvatlovi zaharli, chunki u shu orqali falastinlik xalqdan foydalanish va jangchi guruhlarni oʻz nazorati ostiga olish bilan mustamlakachi kofir Gʻarbning reja va loyihalarini amalga oshiradi.
Falastindagi jangchi guruhlar, qoʻllari musulmonlar qoniga botgan Eron rejimiga tayanmasliklari, uni maqtamasliklari va yolgʻon qoʻllab-quvvatloviga ishonmasliklari kerak… Agar ularning adashtiruvlariga yordam bersalar, Falastin masalasini yoʻq qilinishiga va yirik davlatlar rejalarining amalga oshishiga, eng avvalo, bosqinchi yahudiylarning Falastinda mustahkamlanishiga hissa qoʻshganboʻladilar. Rosululloh Aning
“الْمُؤْمِنُونَ تَتَكَافَأُ دِمَاؤُهُمْ، وَيَسْعَى بِذِمَّتِهِمْ أَدْنَاهُمْ، وَهُمْ يَدٌ عَلَى مَنْ سِوَاهُمْ”
«Moʻminlarning qoni (qasos va diyada) barobardir. Ulardan eng quyi darajadagisi bergan omonlik ham nufuzlidir, ularning eng uzoqdagisiga ham oʻlja beriladi. Ular dushmanga qarshi bir mushtdirlar», degan soʻzlarini eslasinlar. Demak, Alloh qonlarini bitta qilgan ekan, ularni Sayks-Piko chegaralari boshqa-boshqa qila olmaydi. Chunki Suriya ahlining dushmani Falastin ahlining ham dushmanidir, Falastin ahlining dushmani Iroq ahlining ham dushmanidir va hokazo…
Soʻzimiz nihoyasida Alloh uchun quyidagicha nasihat qilamiz: nafaqat Falastin guruhlari zimmasida, balki oʻz dinini qizgʻanuvchi va muborak zaminiga haris boʻlgan har bir musulmon zimmasida anavi jinoyatkor rejimlarni fosh etmoq, ularning qoʻllab-quvvatlashi zaharli ekanini ochib tashlamoq, ularni agʻdarib tashlashni Ummati Islom armiyalaridan talab qilmoq, ularni zudlik bilan harakatga kelib, Falastin ahlini jinoyatkor yahudiylardan qutqarishga chaqirmoq vazifasi turibdi.
﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ﴾
«Oʻsha kunda moʻminlar Alloh nusrat bergani sababli shodlanurlar. (Alloh) Oʻzi xohlagan kishiga nusrat berur. U qudrat va rahm-shafqat egasidir»[Rum 4-5]
Roya gazetasining 2018 yil 2 yanvar chorshanba kungi 216-sonidan