Jeenbekov: Biz Oʻzbekiston bilan birodarlik munosabatlarimizni qadrlaymiz
Rasmiy tashrif bilan Qirgʻiziston poytaxti Bishkekka kelgan Oʻzbekiston oliy majlis qonunchilik palatasining spikeri Nurdinjon Ismoilovni Qirgʻiziston Prezidenti Sooronbay Jeenbekov qabul qildi. Qabul paytida nutq soʻzlagan Jeenbekov ikki qoʻshni davlat, yaʼni Qirgʻiziston va Oʻzbekiston oʻrtasidagi birodarlik munosabatlarini yuqori baholashini bildirdi.
“Oʻzbekiston bilan birodarlik munosabatlarimizni qadrlaymiz. Qirgʻiz-Oʻzbek munosabatlari va yaxshi qoʻshnichilik munosabatlari jadal suratda rivojlanishda davom etmoqda. Uzbekiston prezidenti Shavkat Mirziyoyevning siyosiy irodasi va amaliy qadamlari tufayli Qirgʻiziston va Oʻzbekiston oʻrtasidagi hamkorlik yangi va yuqori darajaga yetdi. Men rasmiy tashrif bilan Toshkentga borganimda ikki tomonlama munosabatlardagi barcha masalalar hal qilindi”, dedi Qirgʻiziston prezidenti.
Jeenbekov ikki mamlakat oʻrtasida soʻnggi yillarda yuzaga kelgan muhim aloqalarga toʻxtalar ekan, Oʻzbekiston va Qirgʻiziston oʻrtasidagi ijobiy munosabatlar kundan kunga kuchayib borayotganligini alohida taʼkidlab oʻtdi.
Oʻzbekiston oliy majlis qonunchilik palatasining spikeri Ismoilov ham oʻziga koʻrsatilgan samimiy mehmondoʻstlikdan mamnun ekanligini izhor qilib, 16 noyabrь kuni 60 yoshga toʻlgan prezident Jeenbekovni tugʻulgan kuni bilan tabrikladi.