Putin razvedka va xavfsizlik agentliklari faoliyatining ustuvor yoʻnalishlarini belgilab berdi
Chorshanba kuni Rossiya razvedkasi va xavfsizlik organlari rahbarlarining yigʻilishi boʻlib oʻtdi. Yigʻilishda ishtirok etganlar uchun Rossiya prezidenti Vladimir Putin maktub yoʻlladi. Telegrammada Putin razvedka va xavfsizlik xodimlarini xalqaro “terrorizm”ga qarshi kurashda faol harakat qilishga chaqirdi.
“Koʻrib turibmizki, xalqaro terrorchilik tashkilotlari oʻz ishlarini faollashtirish uchun harakat olib bormoqda. Ularning xalqaro axborot sohasida faollashuvi shular jumladan. Shuning uchun razvedka va xavfsizlik organlarining ishiga qoʻshimcha talablar taqdim etamiz. Xavfsizlikka boʻlayotgan yangi tahdidlarga qarshi kurashish uchun kuchlarni birlashtirish zarurati ham ortib bormoqda”, deyiladi maktubda.
Shuningdek, Putin “terrorizm”ga qarshi kurashda samarali tizimini tashkil etish razvedka va xavfsizlik idoralari faoliyatining eng muhim yoʻnalishlaridan biri hisoblanishini ham taʼkidlab oʻtdi. Uning taʼkidlashicha, aksariyati oʻta xavfli boʻlgan terrorchilarni tiyib qoʻyish va ularning rahbarlari va aʼzolarini bartaraf etish uchun shunday qilish zarurdir.
Rossiya Prezidenti “terrorizm”ni moliyalashtirishning oldini olish uchun mexanizmlarni yaratish va axborot almashuvini jadallashtirish muhimligiga ham alohida urgʻu berdi. Putinga koʻra, buning uchun davlatlar oʻrtasida oʻzaro ishonchni mustahkamlash muhim ahamiyat kasb etadi.
“Bunday jiddiy masalani hal qilish uchun davlatlar oʻrtasida ishonch mustahkamlash va javobgarlikni oshirish zarurdir. Bu ish terrorizmga qarshi jiddiy tarzda kurashish borasida xalqaro hamkorlik salohiyatlarini oshirishga imkon beradi, masalan zamonaviy kommunikatsiya texnologiyalaridan foydalanish kabi”, deydi Putin.