Rossiya Eronga AQSh sanktsiyalarini chetlab oʻtishga yordam beradi
Rossiya Eronga Amerika sanktsiyalarini chetlab oʻtish mexanizmini yaratishga yordam beradi. Bu haqda Mako.co.il nashri (Isroil) tashqi ishlar vazirligining maxfiy hujjatiga asosan xabar bermoqda.
Nashr maʼlumotlariga koʻra, Eron oʻz neftini Kaspiy dengizi orqali Rossiya neftni qayta ishlash zavodlariga yetkazib beradi. Shundan keyin neft xalqaro bozorda Rossiya mahsuloti sifatida sotila boshlanadi.
Taʼkidlanishicha, bunday reja Rossiya, Eron va Turkiya ishtirokida Tehronda boʻlib oʻtgan uch tomonlama sammitda maʼqullangan.
Bundan tashqari, materialda aytilishicha, Yevropa ham bu mexanizmning amalga oshirilishiga qarshi boʻlmaydi. Shu tariqa, Yevropa davlatlari Eronning yadroviy bitimdan voz kechishini istamayapti.