Tramp Rossiyaga qarshi yangi sanktsiyalar kiritilishini maʼqulladi
AQSh prezidenti Donalьd Tramp Rossiyaga nisbatan oʻrta va qisqa masofaga uchuvchi raketalarni yoʻq qilish borasidagi kelishuvni buzgani uchun yangi sanktsiyani imzolagani haqida Poltico nashri prezident maʼmuriyatiga yaqin manbaga tayanib xabar bermoqda.
“AQSh maʼmuriyati sovuq urush zamonlaridagi yadroviy qurollar boʻyicha kelishuvga rioya qilishga majbur qilish umidida, taqiqlangan qanotli raketa uchun Rossiyaga qarshi yangi sanktsiyalar qoʻllaydi”, deb aytgan amerikalik mansabdor shaxs.
Maʼlum qilinishicha, AQSh moliya vazirligi kelishuvda taqiqlangan yangi qurolni ishlab chiqishda yordam bergan Rossiya kompaniyalarini jazolaydi.
AQSh hukumati Rossiyani “Iskander-M” raketasini uchirgandan keyin kelishuvni buzishda ayblay boshlagan. Rossiya Federatsiya kengashining mudofaa va xavfsizlik qoʻmitasi boshligʻi Viktor Bondarev ushbu raketa “ichki foydalanish uchun” moʻljallanganini, chunki uning uchish uzoqligi 400 km dan oshmasligini maʼlum qilgan.