Tojikiston terrorizmga (Islomga) qarshi Rossiyadan umidvor
Tojikiston hukumati Afgʻonistonda kuchayib borayotgan Tolibonga qarshi tojik qoʻshinlariga harbiy taʼlim berishiga koʻz tikkan rus armiyasini “oʻzining eng katta qoʻllab quvvatlovchisi” deb biladi. Bundan tashqari, terrorizmga (Islomga) qarshi kurash borasidagi qarori qatʼiyligini taʼkidlagan tojik masʼullariga koʻra, Suriyada mujohidlar safida jang qilib, soʻng oʻz vataniga qaytishga otlangan shaxslarni aniqlash va ularni ushlab berishda ham Rossiyaning oʻrni kattadir.
“Rossiya bilan bizning oʻrtamizda terrorizmga (Islomga) qarshi hamkorlik toʻgʻrisida shartnoma mavjud. Bu borada u bizning eng katta yordamchimizdir. Jang qilish uchun chet ellarga borib, terrorchi jihodiy guruhlarga qoʻshilish istagida boʻlgan Tojikiston fuqarolari vaqti-vaqti bilan Rossiya va Turkiya orqali Suriyaga oʻtib ketmoqda va shu yoʻl bilan yana qaytib kelmoqda. Bu jarayonda Rossiya terrorchilar safiga qoʻshilganligi aniqlangan tojik fuqarolarini zudlik bilan Tojikistonga ekstraditsiya qilmoqda”, deydi tojik rasmiysi.
Rossiyaning Tojikistondagi harbiy bazasi ikki davlat oʻrtasidagi oʻzaro shartnomaning muhim belgisi ekanligini bildirgan manbaning taʼkidlashicha, Tojikiston Rossiya bilan munosabatlarini mustahkamlab borishi lozimdir.
“Biz Rossiya bilan qoʻshma harakatlarimizni yanada kuchaytirishimiz kerak. Tojikistonning terrorizmga qarshi kurashi uchun Rossiya tarafidan keng qamrovli harbiy taʼlim ishlarining olib borilishi borasida umidlarimiz bor”, deydi manba.
Biroq bir vaqtlar Afgʻon mujohidlaridan magʻlub boʻlib, sharmandalarcha Afgʻonistonni tark etgan Rossiya armiyasining Tojikiston harbiylariga qanday yordam bera olishi jumboqligicha qolmoqda.