Atambayev parlamentni tarqatib yuborish tarafdori ekanligini maʼlum qildi
Almazbek Atambayev davlat mukofotlarini topshirish marosimida “Onuguu-Progress” fraktsiyasi yetakchisi Bakit Torobayevning parlamentni tarqatib yuborish borasidagi taklifini qoʻllab-quvvatladi.
Avvalroq, 1 mart kuni Jogorku Kenesh yigʻilishida Omurbek Tekebayevning hibsga olinishi muhokama qilingan va Torobayev parlamentning muammolarni hal eta olishini shubha ostiga olgan edi.
“Agar biz hech narsa qila olmasak, parlamentni tarqatish va yangi saylovlar haqida eʼlon qilish kerak”,- degan edi Torobayev.
“U bu gapni oʻz tarafdorlari uchun gapirdi, lekin men uning bu taklifini qoʻllab-quvvatlayman”,- dedi Almazbek Atambayev.
“Hurmatli deputatlar, aytishganidek, qargʻa qargʻaning koʻzini choʻqimaydi. Balki, Torobayevni qoʻllab tarqalish kerakdir? Unda qonunni hurmat qilib, mamlakat kelajagini oʻylab, xalq uchun ishlashda davom eting, xudo haqqi! Agar sizga haqiqat kerak boʻlmasa, xalqqa kerak. Agar sizga tinchlik va barqarorlik kerak boʻlmasa, bu odamlar uchun kerak!”,- degan Almazbek Atambayev.
Turkiston:
Atambayevning boshqa chorasi yoʻq. Yaʼni, Tekebayev ortidan birin ketin boshqa liderlarni ham siyosiy quvgʻinga oladi. Prezident saylovigacha muhitni oʻz maqsadiga muvofiq qilib tayorlab olmasa, yaʼni oʻrniga merosxoʻrini tayinlab olishiga qarshi barcha toʻsiqlarni olib tashlamasa, uning oʻzi va komandasi juda yomon oqibatlarga duchor boʻladi.
Vaqtinchalik hukumatning hokimiyatga kelishida Rossiyaning roli juda katta boʻlgan. Bakiyev AQSh aviabazasini chiqarib yuborishga juraʼt qila olmaganini kechira olmagan Putin uni muxolif kuchlar bilar hamkorlikda quvgʻinga duchor qilgan edi. Oʻsha paytda Bakiyev hozirgi Atambayevga nisbatan bir necha barobar kuchliroq salohiyatga va taʼsir quvvatiga ega edi. Shuning uchun mamlakatning janubiy qismida Bakiyev tarafdorlari kuchli qarshilik olib borishdi. Shunda vaqtinchalik hukumat, yana Rossiyaning yordami bilan Oʻzbek millatiga qarshi Oʻsh voqeʼasini atayin keltirib chiqardi. Shularning hammasi Rossiyaning boshchiligi, loihasi va moddiy koʻmagi ostida oʻtkazilganiga, Atambayev vaqtinchalik hukumat aʼzosi sifatida tirik guvoh boʻlgan.
Hozirgi Qirgʻizistonda shakllanib borayotgan siyosiy vaziyat yana 2010 yilni esga solmoqda. Atambayev ham buni sezib turibdi. Shuning uchun u Rossiyaning oʻzi ustidan chiqaradigan yechimini kutib turdi. Putinning roziligini olgach, Omurbek Tekebayevni noqonuniy yoʻl bilan qamashga jurʼat qildi. Endi muxolif elita vakillarini tahdid ostiga olib, ularga siyosiy bosim oʻtkazishga harakat boshlashga taraddud koʻra boshladi.
Lekin Atambayev tavakkal qilyapti. Chunki Rossiyadan tashqari Gʻarb dunyoqarashiga ega yetakchi mamlakatlarning taʼsirlari ham bor. Ular ham, Qirgʻizistonning bir necha tarmoqlarida taʼsir quvvatlariga ega. Masalan, taʼlim programmalari, nodavlat tashkilotlar faoliyati, matbuot tizimlari, grant va boshqa koʻrinishdagi moddiy yordam koʻrsatish programmalari vositasi bilan oʻz saqofatlarini olib kirib kelishyapti. Ular Qirgʻizistondagi rus saqofatidan boʻshab qolgan saqofiy boʻshliqni mumkin qadar toʻldirib borishga harakat qilib kelishyapti.
Shuning uchun Atambayevning Putinga tavakkal qilib boshlab yuborgan bu repressiv harakatlarini, Gʻarb olami oʻziga qarshi saqofiy va siyosiy repressiv kurash deb qabul qilishi mumkin. Oʻshanda ular vaziyatni rangli inqilob deb nomlab olgan davlat toʻntarish amaliyoti tomon burib yuborishga harakat qilishadi.
Xullas, Qirgʻizistonda vaziyat tobora keskinlashib, faqat moddiy (moliyaviy) koʻmak berish bilan vaziyatni izdan chiqarib yuborish mumkin boʻlgan muhit yuzaga kelmoqda.