Xitoy hukumati musulmonlarni qoʻrqitishni yangi usulini topdi
OAV tomonidan 15 fevral kuni Shinjon-Uygʻur viloyatining Xoʻtan shahrida pichoq bilan qurollangan odamlar amalga oshirgan hujum natijasida 8 kishi qurbon boʻlib, 10 kishi yaralangani, hujumchilardan 3 nafari politsiya xodimlari tomonidan otib oʻldirilgani haqida xabar tarqatilgan edi.
Mazkur xodisa ortidan Shinjon hukumati mahalliy “terrorist” va “ayrimachi”larni qoʻrquvga solish uchun Xoʻtan shahrida keng koʻlamli parad tashkil etdi.
“Reuters” nashrining xabariga koʻra, paradda tish-tirnogʻigacha qurollangan minglab politsiya xodimlari va hukumatparast koʻngili otryad jangchilari ishtirok etgan. Shinjon hukumatining bilririshicha, bu parad ayrimachilarga “kuch-quvvatni koʻrsatish va qoʻrqitib qoʻyish”ni maqsad qilgan.
“Doimiy xushyorlik va terrorchilarga boʻlgan toʻtovsiz bosimlar orqali biz ularni burchakka qadab qoʻydik. Endi ular najot topish umidida oʻzlarini har tomonga urishyapti”,- dedi mahalliy partiya qoʻmitasi rahbari Chju Xaylun.
Turkiston:
Xudosiz Xitoy hukumati 1949 yili aholisining asosiy qismi uygʻur musulmonlaridan iborat boʻlgan Shinjonni bosib olgach, uygʻur musulmonlarni oʻz eʼtiqodlaridan qaytarish, Islom dinini hayotdan va jamiyatdan surib tashlashga boʻlgan harakatini bir daqiqaga boʻlsa ham toʻxtatmadi. Uygʻur musulmonlarga diniy ilmlar oʻrganish taqiqlandi. Yoshlarga islomiy ilm berib kelayotgan olim va ulamolar quvgʻin qildi, turli xil ayblovlar bilan qamoqqa tashladi. Erkaklarni soqol qoʻyishi ayollarni hijob oʻrashi man qilindi. Imomlar maydonda ommaviy raqs tushishga majbur qilindi. Hattoki ramazon oyida roʻza tutish, hukumat ishida ilayotgan musulmonlarga namoz oʻqish taqiqlandi. Bu ishlarni barchasi rasmiy hukumat iddao qilganidek, “terrorist” va “ekstermist”larni yoʻq qilishga qaratilgan edi.
Agar oʻz eʼtiqodiga muvofiq hayot kechirish, dini buyrigan amallarni bajarish radikalizm belgisi boʻlsa, oddiy musumonlarni barcha haq-huquqlardan mahrum qilish nima deb ataladi!? Aslida kufr boshchilari va ular chizib bergan loyiha asosida harakat qilib musulmonlarni ommaviy qirgʻin qilayotgan, har xil bahonalar bilan qamoqqa tashlayotgan, tinch hayot kechirishlariga, dini talab qilgandek yashashga yoʻl bermayotgan hukumatlarni oʻzi haqiqiy terrorist emasmi? Terror – tinch aholini qoʻrquvga solish, jismoniy zoʻrovonlik koʻrsatish degan maʼnoni anglatadi. Xitoy hukumatining tish-tirnogʻigacha qurollangan politsiyani omma koʻz oldida paraddan oʻtkazishi tinch aholini qoʻrquvga solish boʻlib, mana shu haqiqiy terror hisoblanadi.