De Mistura “Jeneva 4” muzokarasi uchun qattiq harakat olib bormoqda
Birlashgan Millatlar Tashkilotining Suriya masalasi boʻyicha xos vakili Staffan de Mistura 20 Fevral kuni oʻtkazilishi belgilangan “Jeneva 4” muzokarasi ishtirokchilariga bir necha kun ichida taklifnoma yuboradi. Bu haqida BMT bosh kotibining notigʻi Stefan Dujarrik maʼlum qildi.
“Bir necha kun ichida taklifnomalar yuboriladi. Bu murakkab jarayon boʻlib, koʻp odamlar bilan muzokaralar va maslahatlashuvlar olib borilishini talab qiladi. De Mistura va uning jamoasi bu yoʻlda ishlashni jadal suratda davom ettirmoqda”, dedi Dujarrik jurnalistlarga.
De Mistura agar muxolifat vakillari BMT homiyligida oʻtadigan tinchlik muzokaralariga ishtirok etadigan vakillarni 8 fevralgacha tayinlamasa, Misturaning oʻzi delegatlarni belgilashi haqida muxolifatni ogohlantirgan edi. Bu esa muxolifat ichida noroziliklarga sabab boʻldi. Dujarrikning qayd etishicha, Mistura Suriya muxolifatiga bergan ushbu ogohlantirishidan voz kechgan.
Staffan de Mistura Suriyada oʻtish davri uch bosqichdan iborat boʻlib, muvaqqat hukumatni tuzish va konstitutsiyani shakllantirishni oʻz ichiga olishini bildirdi. Shunigdek Mistura al-Arabiya telekanaliga bergan intervьyusida Jeneva muzokaralarida Arab Ligasining ham ishtirok etishi muhim ahamiyatga egaligini va bu fikrini BMT Xavfsizlik Kengashiga taqdim qilganligini bildirdi. “Suriya Arab dunyosidagi mamlakatdir. Shuning uchun Jeneva muzokaralarda Arab Ligasining ishtirok etishi zarur”, dedi De Mistura.
Bundan avval Suriya muxolifatining nomigagina harbiy va siyosiy vakillari Jeneva uchrashuviga tayyorgarlik koʻrish uchun Ankarada toʻplangan edi. Muxolifat delegatsiyasining rahbari Muhammad Allush Suriya masalasida Ostona yigʻilishida ilgari surilgan talablar bajarilmagan taqdirda Jenevada boʻlib oʻtadigan majlisda ishtirok etmasligini bildirdi. Allushga koʻra, Ostona yigʻilishida berilgan vaʼdalar hanuz bajarilmagan.