Tojikiston va AQSh harbiy moliyalashtirish masalalarini muhokama qildi
AQShning Dushanbedagi elchixonasi Tojikiston mudofaa vazirligi bilan xavfsizlik sohasida hamkorlik boʻyicha ishchi guruhning har yili oʻtkaziladigan uch kunlik yigʻilishini yakunladi. Bu haqda AQSh elchixonasi xabarida maʼlum qilindi.
Taʼkidlanishicha, yigʻilishda AQSh qurolli kuchlari markaziy qoʻmondonligi va uning boʻlinmalarining 30 vakili hamda Tojikiston mudofaa vazirligining 12 zobiti ishtirok etdi. Ular 2018-2019 yillarga belgilangan oʻzaro almashuv dasturlari, simpoziumlar, oʻquv mashgʻulotlari va kurslarini oʻtkazishga taalluqli masalalarni muhokama qilishdi.
Ishchi guruh ishtirokchilari Tojikistonga xorijiy harbiy moliyalashtirish sohasidagi begʻaraz moliyaviy koʻmak dasturini qoʻllash borasidagi ustuvor yoʻnalishlarni kelishib oldilar.
AQSh va Tojikiston mudofaa vazirligi oʻrtasidagi xavfsizlik sohasidagi hamkorlik 60 ga yaqin oʻtkazilgan tadbirlarni oʻz ichiga oladi.
Bu tadbirlar ikki davlat mudofaa vazirliklari oʻrtasida hamkorlik aloqalarini shakllantirish va terrorchilikka qarshi kurash, chegaralarni qoʻriqlash, tinchlikparvar operatsiyalar va koʻpmilliy muloqot kabi oʻzaro manfaatli mavzularga eʼtiborni mujassamlashtirishga qaratilgan.
Yigʻilishda AQShning Tojikistondagi elchisi Elizabet Millard bunday hamkorlik mintaqaviy xavfsizlik va barqarorlikni mustahkamlashga koʻmak berishda muhim rolь oʻynashini taʼkidlab oʻtdi.