Ikkiyuzlamachi siyosat
Turkiya prezidenti Rajab Toyyib Erdugʻon Turkiyada Xalifalik qulatilib, uning oʻrniga eʼlon qilingan “Turkiya jumhuriyati” kuni munosabati bilan Prezident saroyida ziyofat tashkil qildi. Ziyofatda siyosatchilar, fuqarolik jamiyatining vakillari, mashhur sanʼatkorlar va akademiklardan iborat ikki ming kishi taklif etildi.
“Bugun gʻozi Mustafo Kamol boshchiligida eʼlon qilingan davlatimiz Turkiya jumhuriyatining 93 yilligini nishonlamoqdamiz. Qullikka rozi boʻlmagan turk millati bosqinchilarga qarshi jangda gʻalabani qoʻlga kiritdi. Bu gʻalaba ortidan “hukmronlik halqniki” tamoyiliga asoslangan Turkiya jumhuriyatini qurdik”, dedi Prezident Erdogʻan jumhuriyat kuni bayrami munosabati bilan soʻzlagan nutqida.
Biroq bundan bir oy avval Turkiya prezidenti “Turkiya jumhuriyati”ning eʼlon qilinishiga sabab boʻlgan Lozanna bitimi tanqid qilib, “Tarixda bizga nisbatan qanday ishlar qilishdi?! 1923 yilda bizni Lozanna shartnomasiga koʻndirishdi. Ayrim kimsalar bizga Lozanna shartnomasini gʻalaba deya “edirish”ga urinishdi. Hammasi maʼlum. Egey dengizini koʻrib tutibsiz. Baqirsak eshitiladigan orollarni Lozanna shartnomasiga koʻra, Gretsiyaga berdik, shumi gʻalaba? U yerlar bizga qarashli yerlar edi. U yerlarda bizning jomelarimiz, ibodatxonalarimiz bor. Hozir esa biz dengiz osti yer maydonimiz va dengiz usti havo maydonimiz qayergacha choʻzilganligi haqida tortishish bilan ovoramiz. Bunga oʻsha bitimga imzo chekkanlar sababchidir”, deya bayonot bergan edi.
Hizb ut-Tahrir Turkiya viloyati matbuot boʻlimining raisi Mahmud Qor Turkiya prezidentining bir biriga qarama-qarshi bayonotlarini izohlar ekan, bundan ajablanmasligini bildirdi. Qorga koʻra, hozirda bir-biriga zid bayonotlar berish siyosatchilar orasida odatiy holga aylangan.
“Turkiyada siyosat yuritishning biror bir oʻlchovi qolmadi. Baʼzan “real siyosatning ham oʻlchovi boʻlmaydimi?”, degan savol tugʻiladi. Siyosatchilarning tilidan chiqayotgan yolgʻon va qarama-qarshi bayonotlar shunchalar koʻpayib ketganki….
Avvalgi siyosatchilar ham yolgʻon va qarama-qarshi bayonotlar berishardi. Biroq ular oʻzlarining ikkiyuzlamachiliklarini yashirishni ham bilishardi. Bugungi siyosatchilar esa hech uyalmay, yolgʻon va qarama-qarshi bayonotlar berishdan tap tortishmay qolishdi” deydi Mahmud Qor.