AQSh razvedka raisi: Suriya muammolari uchun qoʻlimizda sehrli tayoq yoʻq
AQSh Markaziy Razvedka Boshqarmasi (MRB) raisi Jon Brennan Suriya muammolarini hal qilish uchun uning yurti qoʻlida “tezkor yechim yoki sehrli tayoqcha yoʻq”ligini aytdi. Bunga u oʻzaro kurashayotgan ichki va tashqi kuchlarning koʻpayib ketgani, mazhabparastlik boʻlinishlar hamda repressiv yillarni sabab qilib keltirdi. Oʻtgan chorshanba Vashingtondagi “Strategik va xalqaro tadqiqotlar markazi”da oʻtkazilgan ushbu muloqotda Brennan “Men xavfsizlik masalalarida olib borgan 36 yillik faoliyatimda Suriya masalasi men uchun eng chigal masala boʻldi”, deya qoʻshimcha qildi.
Amerikalik bu masʼul Suriya muammolarini tezda hal etilmagani sababini “Oʻzaro kurashayotgan ichki va tashqi kuchlarning koʻpayib ketgani, mazhabparastlik boʻlinishlari, Asad oilasi shugʻullanib kelgan va yurtning demokratiya sari intilishlarini muzlatib qoʻygan repressiv yillar” bilan bogʻladi.
“Bugun koʻpchilik Amerikaning u yerga borib, ayni masalalarning koʻpini hal qilishdan ojizlik qilayotganidan nolimoqda. Aslida, men ham qani endi qoʻlimizda sehrli tayoqcha boʻlganda edi, ayni muammolarni hal qilib qoʻya qolgan boʻlardik, deyapman. Shunday boʻlsa-da, Vashington hech boʻlmasa urinish borligiga shukr qilmoqda”, dedi.
Keyin soʻzlarini “Qoʻshma Shtatlarning Suriyada boʻlayotgan gumanitar fojealarga va qon toʻkilishiga yakun yasashga urinishni davom ettirayotgani juda yaxshi. Ammo men tan olamanki, qoʻlimizda odamlarga zoʻrlab tiqishtiradigan va majburan ergashtiradigan biror yechim yoʻq”, deya davom etdi.
U Suriya boʻhronini hal etish uchun “bir necha yillar kerak boʻlishi”ni taʼkidlab, mana bularni alohida urgʻuladi: “Arab bahori Oʻrta Sharq tarixida yangi bosqich olib kelayotgan edi. Biroq demokratiya iqtisodiy, siyosiy, ijtimoiy, maʼrifiy va boshqa sohalarda oʻz ildizini mustahkamlab olgunga qadar, oldinda hanuz olis yoʻl mavjud”. (Al-Jazira net).
Roya gazetasi sharhi:
MRB raisi Jon Brennan soʻzlari bir necha nuqtani taʼkidlamoqda:
Birinchi: U Amerikaning Suriyada qanchalar boshi berk koʻchada qolganini, bu davlat Rossiyadan yordam soʻraganiga va Eronni, uning Hizbini ishga solganiga qaramay, oʻz siyosatini zoʻrlab tiqishtirishga hamon qodir boʻlolmayotganini ifodalamoqda. Boshi berk koʻchada qolganini u “Qoʻlimizda Suriyadagi muammolarni hal qilish uchun biror sehrli tayoqcha yoʻq”, degan gapi bilan bildirmoqda.
Ikkinchi: Uning “Qoʻshma Shtatlarning Suriyada boʻlayotgan gumanitar fojealarga va qon toʻkilishiga yakun yasashga urinishni davom ettirayotgani juda yaxshi”, degan gapi yolgʻon. Chunki Shom ahli mashaqqatlariga birinchi javobgar mana shu Amerikadir. Chunki ularga nisbatan zulm qilayotgan Bashar Asad shu Amerikaga tobe. Asad jinoyatlariga sheriklik qilayotgan Eron ham Amerika siyosatini bajaryapti. Oʻzining uchoq va raketalari bilan Shom ahlini qirayotgan Rossiya ham bu ishni Amerika bilan kelishib olib, ayrim manfaatlar evaziga uning siyosatini bajarib berish uchun qilyapti. Amerika boshchiligidagi koalitsiya uchoqlariga Shom ahlini qirishlari uchun Injirlik bazasini ochib bergan Turkiya ham shu Amerika siyosatini bajaryapti. Amerikaning Shom ahlini qirish va ularni qochqinga aylantirish roliga oid gaplar faqat siyosiy tahlilchilarga yoki faqat siyosat bilan amaliy shugʻullanayotgan kishilarga cheklanib qolgani yoʻq. Balki bu davlatning Shom qirgʻinida bajarayotgan roli oddiy odamlar uchun ham fosh boʻlib qoldi.
Uchinchi: Brennan Suriya boʻhronini hal etish uchun bir necha yillar kerakligini, yoki Arab bahori olis yoʻl ekanini aytar ekan, Amerika oʻz siyosatiga odamlarni tiz choʻktirish uchun qirgʻin qilish, och qoʻyish, qochqinga aylantirish siyosatini toʻxtovsiz davom ettirmoqchi ekanini bildirmoqda. Ha, bu davlat shularni rejelashtirmoqda. Biz Alloh Taologa duo qilib, uni muvaffaqiyatsizlikka uchratishini va uning ham, boshqa barcha Islom va musulmonlar dushmanlarining ham makrini oʻzlariga qaytarib urishini soʻraymiz.