Xitoy qo‘ygan qonunlar sababli dunyodagi eng yirik ochiq qamoqxonaga aylangan Sharqiy Turkistondagi musulmonlar ramazon oyida yana ham ko‘proq tazyiqlarga uchramoqda. Sharqiy Turkiston axborot agentligi tarqatgan xabarga ko‘ra, Xitoy 6 iyun dushanba kuni poytaxt Urumchida davlat xodimlari, talabalar va bolalarga “Men Ramazon oyida ro‘za tutmayman”, degan yozma bayonot ostida imzo qo‘ydirib olingan. 14 yildan buyon ro‘za tutish Rasman taqiqlangan Sharqiy Turkistonda bir necha kun oldin “ro‘za tutish va unga rag‘batlantirish” aybi bilan 17 kishi hibsga olingan edi.
Bundan tashqari Xitoy 4 iyun shanba kuni Sharqiy Turkistonlik har bir xonadonga alohida maktublar yuborib, “Bolalaringizni Islomdan uzoq tuting, aks holda ustingizdan odil sud jarayoni amalga oshiriladi”, deya tahdid qilindi.
Sharqiy Turkiston poytaxti Urumchida joylashgan 46 litseyda 4 Iyun kuni Xitoy Kommunistik partiyasi tomonidan uyg‘ur oilalarga maktublar yuborildi. Ota-onalar bu maktubni o‘qib imzolashlari shart qilingan.
Maktubning mazmuni Sharqiy Turkistonda zulmning qanchalik darajaga yetganligini ko‘rsatadi. Bir qancha ta‘qiqlarni o‘z ichiga olgan maktubning diqqatli nuqtalari quyidagilardan iborat:
Hurmatli ota-onalar, Bolalaringiz namoz o‘qishlari, masjidga borishlari, ro‘za tutishlari, diniy faoliyat bilan shug‘ullanishlari, diniy kiyim kiyishlari va har qanday dinga e‘tiqod qilishlari xatarli va qonunan ta‘qiqlargandir.
Bolalaringizga radikalizm va zo‘ravonlikni o‘rgatadigan har qanday audio va video materiallardan foydalanish qat‘iyan taqiqlanadi.
Bolalaringiz mobil telefonlarida radikalizmga va zo‘ravonlikka oid xabarlarni qabul qilishlari va boshqalar tarqatishlari qat‘iyan taqiqlanadi.
Bolalaringizning tarbiyasida Xitoy Kommunistik partiyasi belgilagan siyosiy va mafkuraviy g‘oyani shakllantirish va rivojlantirishda yetarli darajada e‘tibor berish va g‘amxo‘rlik ko‘rsatish zarurdir.
Yuqorida qo‘rsatilgan moddalar xususida nazorat qilib turish va javobgarlik ota-onalarning zimmasida bo‘lib, bu majburiyatlarni bajarmagan ota-onalar ustidan jinoiy ish qo‘zg‘atiladi.