O‘zbekiston Tashqi ishlar vazirligi axborot xizmatining xabar berishicha, joriy yilning 20-22 may kunlari Toshkent shahrida Shanxay hamkorlik tashkilotiga a‘zo davlatlar Milliy koordinatorlari kengashining navbatdagi majlisi bo‘lib o‘tadi.
Unda Qirg‘iziston, Qozog‘iston, Rossiya, Tojikiston, Xitoy va O‘zbekiston vakillari tomonidan Toshkent shahrida bo‘lib o‘tadigan ShHT sammitiga, tashqi ishlar vazirlari kengashining yig‘ilishiga tayyorgarlik jarayoni hamda tashkilotga O‘zbekiston raisligi kun tartibining boshqa masalalari muhokama qilinadi.
O‘zbekiston Respublikasi Tashqi ishlar vazirligi 16 may kuni joriy yilning iyun oyida Toshkent shahrida bo‘lib o‘tadigan ShHT madaniyat vazirlari majlisi hamda ishbilarmonlar kengashi boshqaruvi va banklararo birlashma kengashi yig‘ilishlarini yoritish uchun ommaviy axborot vositalari vakillarini akkreditatsiya qilish boshlanganini ma‘lum qilgan edi.