Al-Jazira muxbirining xabariga ko‘ra, Suriyadagi xalqaro vakil Stefan de Mistura Suriya muxolafatiga prezident Bashar Asadning hokimiyatda qolishini, unga to‘liq salohiyatlarga ega bo‘lgan uch nafar o‘rinbosar tayinlanishini taklif qilgan, ammo muxolafat buni rad etgan.
Roid Faqih ismli muxbirning ayrim manbalardan olib aytishicha, juma kuni de Mistura Suriya muxolafatining muzokaralar oliy hay‘ati delegatsiyasi bilan uchrashganda mazkur taklifni o‘rtaga tashlagan. Muxolafat delegatsiyasidan Asadning qolishiga rozi bo‘lsalar, unga o‘rinbosar sifatida o‘zlaridan uch nafar shaxsning nomini aytishlarini talab qilgan. Xalqaro vakil bu bilan 2254 raqamli xalqaro qarorda kelgan keng iboralardan foydalanishga uringan. De Misturaga ko‘ra, Asadning qolishi va muxolafatdan uch nafar o‘rinbosarning unga ta‘yinlanishi o‘tish davri bosqichiga kirish uchun o‘rtacha yechim hisoblanadi.
Ammo muxbir Bashar Asadning prezidentlikda qolishi to‘g‘risidagi de Mistura taklifi muxolafat delegatsiyasi tomonidan mutlaqo rad etilganini, to‘la salohiyatlarga ega bo‘lgan o‘tish davri boshqaruv hay‘atini tuzish fikrida delegatsiyaning mahkam turganini izohladi. Muxolafat kutilayotgan o‘tish davri bosqichi boshlanishi bilan Asadning hokimiyatdan ketishi lozimligini bir necha bor ta‘kidladi. Bu xususda muxolafat oliy koordinatsion hay‘at raisi o‘rinbosari Yahyo Qazmoniyning aytishicha, Suriyadagi hozirgi azob-uqubatlarga hissa qo‘shgan xavfsizlik xizmatidagi shaxslarning birortasi ham ushbu siyosiy yechimda ishtirok etmasliklari kerak. U Al-Jaziraga siyosiy o‘tish davri rejimdagi shaxslar orqali amalga oshishiga muxolafat rozi emasligini bildirgan.
Xabarlarga ko‘ra, de Mistura Jenevada o‘tgan juma kungi bevosita muzokaralarning navbatdagi bosqichi doirasida Bashar Ja‘fariy rahbarligidagi Suriya rejimi delegatsiyasi bilan, keyin esa muzokaralar oliy hay‘ati delegatsiyasi bilan uchrashgan.
Roya gazetasi sharhi:
Amerika loyihasi asosida va uning shartlarini bajargan holda jinoyatkor Suriya rejimi bilan muzokara qilishga rozi bo‘lishning o‘zi jinoyatdir. O‘tish davri bosqichida Asadning qolishiga rozi bo‘lish yoki rozi bo‘lmaslik ikkinchi darajali masala. Chunki uning qolishining qolmasligidan hech bir farqi yo‘q bo‘lib, bu juda ham qadirsiz masaladir. Muzokaralar oliy hay‘ati basharasini chiroyli qilib ko‘rsatish maqsadida uning Asadni qolishiga rozi bo‘lmaganini qahramonlik, deya baholashyapti. Bu bilan hay‘atning – Amerika xohlagandek – yanada ko‘proq yon berishlarni taqdim qilishi uchun unga nisbatan ishonchni paydo qilishmoqchi.
Shomdagi muammo Tunis, Misr, Saudiya, Eron va boshqa islomiy yurtlardagi kabi faqat hukmdorning o‘ziga cheklanmaydi. Hukmdorning ketishi yo qolishi muammoni hal etmaydi. Shomdagi va boshqa islomiy yurtlar haqiqiy muammo – bu yurtlarning mustamlaka ostida bo‘lganligida hamda malay hukmdorlarning Islomdan boshqa narsalar bilan boshqarib, kofir G‘arb siyosatlarini ijro etishayotganligidadir. Faqat Shom to‘g‘risida gapiradigan bo‘lsak, uning hukmdori Bashar Asad Amerikaning yuvindixo‘ri bo‘lib, shu kungacha faqat AQSh siyosatini ijro qilib kelmoqda… U olib borayotgan qatli om va vayronagarchiliklar shu siyosatlar sirasiga kiradi. Shuning uchun ham, haqiqiy yechim Shomdan Amerika nufuzini bira to‘la ildizi bilan qo‘porib tashlash bilan hamda kufr rejimini, malay hukmdorni va Amerika istagan siyosatni yo‘q qilish bilan bo‘ladi. Shunday ekan, ey muzokaralar oliy hay‘ati a‘zolari, Bashar Asadning qolishiga rozi bo‘lmay, uning o‘rniga boshqa amerikaparast hukmdorni olib kelinishiga rozi bo‘lish nahotki qahramonlik bo‘lsa, axir, bu bilan Shomda yana ilmoniy boshqaruv davom etib, Amerika siyosatlariga muvofiq qadam tashlanadiku??!!
Bu xiyonatning aynan o‘zidir. Shom ahlidan yuz minglab musulmon shahid bo‘lgan, millionlabi qochqinga aylanib, aksarining uy-joylari vayron qilingan bo‘lsa-yu, sizning takliflaringiz Shom ahli to‘kkan qonlarning loaqal bir tomchisiga arzimaydimi?? Shomda Payg‘ambarlik minhoji asosidagi roshid Xalifalikdan boshqasini ro‘yobga chiqaradigan har qanday talab Allohga, Rosuliga va mo‘minlarga xiyonatdir. Nahotki ibrat-nasihat olmasangiz??!!
Roya gazetasining 2016 yil 20 aprel chorshanba kungi 74-sonidan