Amerika armiyasi Davlat tashkilotiga qarshi kurashish uchun Suriya muxolafatining o‘nlab jangchilariga mashq o‘rgatayotganini ma‘lum qildi. Bu mashqlar o‘tgan yili Turkiyada muxolafat jangchilariga mashq o‘rgatishga harakat qilinib, xatolar yuz bergandan so‘ng, shunday xatolarni qayta takrorlamaslik uchun o‘zgartirilgan programma doirasida bo‘lmoqda. Joriy yil 1 aprel juma kuni IShIDga qarshi kurashda AQSh yetakchiligidagi koalitsiyaning matbuot voizi amerikalik polkovnik Stiv Uorren “Bu yangi programmamizni suriyalik jangchilardan birortasi hali bitirganicha yo‘q”, dedi.
Xabarlarga ko‘ra, Amerika kongressining deyarli aksar qismi yangi mudofaa sarf-xarajatlari to‘g‘risidagi qonun loyihasiga imzo chekkan. Bu loyihada Amerika mudofaa vazirligiga “Islomiy Davlat” tashkiloti jangarilariga qarshi kampaniyaning bir qismi sifatida suriyalik muxolafatchilarni mashqdan o‘tkazishga ruxsat berilgan. Shuningdek, mudofaa vazirligiga 577 milliard dollar ajratilib, undan 64 milliardi Afg‘oniston, Iroq va Suriyadagi urushni moliyalashtirishga sarflanadigan bo‘ldi. (Rossiya Segodnya).
Roya gazetasi sharhi:
AQSh bir necha davlatlar ishlariga, ayniqsa, Suriya ishiga aralashish va o‘z siyosatini o‘tkazish uchun “Islomiy Davlat” tashkilotidan hamda unga qarshi kurash va uning xavfini bartaraf qilish, degan narsalardan bahona sifatida foydalanmoqda. Amerika Suriyadagi jang faqat Shom ahli o‘rtasida kechishi va rejim bilan ularning o‘rtasida davom etmasligi uchun harakat qilyapti. U hozirgi malayi Bashar o‘rniga yangi malay topgunga qadar rejimni saqlab turish uchun shunday qilmoqda.