Amerika Qo’shma Shtatlari va Qozog’iston o’trasida harbiy ta’lim tarbiya sohalarida bir yillik hamkorlik qilish rejasi ishlab chiqildi. Bu haqida Qozog’iston Mudofaa vazirligi ma’lum qildi.
Mudofaa vazirligiga ko’ra, 3 Fevral Chorshanba kuni Qozog’iston va Amerika Qo’shma Shtatlari o’trasida harbiy hamkorlik guruhining muvofiqlashtiruvchi mas’ullari ikki kunlik yig’ilish o’tkazgan. Yig’ilish so’ngida ikki davlat ya’ni AQSh va Qozog’iston qurolli kuchlari o’rtasida 2016-2017 yillar uchun reja tayyorlanganligi e’lon qilindi.
Qozog’iston va AQSh harbiy hamkorligining asosiy yo’nalishlari – birgalikda faoliyat olib borish, qurolli kuchlar professionalligini oshirish, o’zaro harbiy ko’maklashish va hamkorlikda harbiy mashg’ulotlar o’tkazishdan iboratdir.
Rejaga ko’ra, AQShlik harbiy mutaxassislar Qozog’iston harbiy o’quv muassasalarida ta’lim usullarini ishlab chiqishlari va ushbu doirada astsubay (qurolli kuchlarga qo’mondonlik qiladigan, ularni mashg’ulotdan o’tkazadigan, nazorat qiladigan, jangdagidek turli vazifalarni bajaradigan ofitser darajasidagi harbiy) kuchlarni tashkil etishda qozoqlarga yordam qilishlari kutilmoqda.
Qozog’iston va Amerika Qo’shma Shtatlarining harbiy o’quv muassasalarida yaqin kelajakda askar almashinuvi ham asosiy mavzu sifatida ko’rib chiqiladi.
Turkiston:
Shu kunlarda Qozog’istonga Turkiya bosh vaziri Dovud O’g’lining kelishi va yuqoridagi AQSh bilan Qozig’iston o’rtalaridagi harbiy shartnomalar bir biriga albatta bog’liq. Yuqorida, Qozog’iston prizidentiga Putinning Rossiya bilan Qozoqlar taqdirini mahkam bog’lab oxirigacha birga ketaverishi uchun bergan bosimlariga rad javobini berdi desak bo’ladi.
Ukrainada Rossiya, rusiyzabon va rus xalqining milliy tuyg’ularidan foydalanib, ularga G’arb saqofatini kirgizilishiga yo’l bermagan edi. Natijada Ukrainaning ko’p qismi hali ham Rossiyaning saqofiy mustamlakachiligi ostida qolib turipti. Qozog’iston esa, Ukrainadan ham zaifroq holatda. Qozog’istonda G’arb saqofati o’ta zaif. Qozoqlarning milliy tuyg’ularini kuchaytirish bilan rus saqofatiga qarshi tayorlanish esa, o’ta xavfli. Millatchilik rivojlangan vaziyatdan Putinning o’zi Qirg’izistondagi O’sh voqeasi singari foydalanib qolishi mumkin.
Shuning uchun Nazarbaev, AQShdan xuddi Ukraina singari lekin urush bo’lmay turib oldini olib yordam so’ray boshladi. Nazarbaev, Putin hozir Suriya masalasi va Ukrainadagi holatda AQShning deyarli ta’siri ostida ish olib borayotganidan boxabar. U yana, Putin ichki muammolarini bartaraf etish uchun eng qulay va tez alanga olishi mumkin bo’lgan urush maydoni qidirayotganini ham yaxshi biladi. Qozog’iston esa, xuddi o’sha eng qulay mintaqa hisoblanadi.