Turkiya tashqi ishlar vazirligi Rossiya Federatsiyasi havo kuchlariga oid SU34 samolyoti Turk havo sarhadlarini yana buzganligini ma’lum qildi. Vazirlikning bildirishicha, Rossiya samolyoti Turkiya havo sarhadlarini buzishdan avval rus va ingliz tillarida bir necha bor ogohlantirilgan.
Turkiya Prezidenti Rajab Toyyib Erdug’on Janubiy Amerika davlatlariga safari oldidan jurnalistlar uchun mazkur hodisa haqida bayonot berdi. Erdug’onga ko’ra, Rossiya bunday harakatlarini to’xtatmasa, uning samalyoti yana o’rib tushirilishi mumkin.
“Rus va ingliz tillarida bir necha bor ogohlantirilishiga qaramay, rus samalyotlarining sarhadlarimizni buzishini Rossiyaning mintaqadagi inqirozni kuchaytirish natijasi sifatida qabul qilamiz. Rossiya bunday harakatlarini davom ettirar ekan, avvalgi javobni olishga majbur bo’ladi”, “Buzilgan sarhadlar ayni paytda NATOning ham sarhadi hisoblanadi. Shu sababli bu sarhadlar uning ham nazorati ostidadir. Zero bizdan avval NATO hodisani aniqlab bo’lgan”, dedi Turkiya Prezidenti.
NATO Bosh kotibi Jens Stoltenberg ham Turkiya hukumatini qayta-qayta ogohlantirishiga qaramay, Rossiya jangovar samolyoti turk havo hududini buzganligini bildirib, Rossiyani mas’uliyat bilan harakat qilishga va NATO havo hududini hurmat qilishga chaqirdi.
“Oldingi voqealar bunday xatti-harakatlarning naqadar xavfli ekanligini ko’rsatdi”, “Bunday holatlar qayta takrorlanmasligi uchun Rossiya barcha zarur chora tadbirlarni qo’llashi lozim. Anqara va Moskva o’rtasida to’g’ridan-to’g’ri aloqa yo’lga qo’yilishini mamnuniyat bilan qabul qilaman va o’zaro sovuqqon bo’lish hamda o’rtadagi taranglikni kamaytirishga chaqiraman. NATO Turkiya bilan ittifoqdoshdir. Ittifoqchimiz bo’lgan Turkiyaning hududiy yaxlitligini qo’llab-quvvatlaymiz. Turkiya havo hududlarini himoya qilishni davom ettirib kelayotgan NATO Ittifoqi a’zolari Turkiya ustida erta ogohlantirish samolyoti AWACS vujudini kuchaytirishga dekabr oyida qaror qildi. Bu qaror kechagi voqealardan oldin qabul qilindi”, deyiladi Stoltenbergning yozma bayonotida.
Biroq Rossiya mudofaa vazirligi tarafidan chiqarilgan bayonotda Turkiyaning bu da’volari rad etildi.
“Turk havo sarhadlari buzilgan emas. Suriyaning mudofaa tizimi ham va Suriyadagi rus mudofaa tizimi ham SU-34 samalyoti Turk chegarasini buzganligini aniqlagan emas”, “Jiddiy aytadigan bo’lsak, kimdir bu radarlarga tayanib, rus va ingliz tillarida bir necha bor ogohlantirgan bo’lsa, u Gollivud jangari filmlarini tomosha qilgan johil tashviqotchi bo’lishi mumkin” deyiladi Rossiya mudofaa vazirligi tarafidan chiqarilgan bayonotda.