Amerika va Rossiya ikkalasi Suriya erlariga qilayotgan vahshiyona hujumida amerikada ishlab chiqilgan bitta tanganing ikki tomonidir!
Rus hujumlaridan oldin 2015 yil 23 sentyabrda Suriyaga qarshi «Amerika koalitsiyasi» nomi bilan Amerika hujumlari bo’lgan edi: «Amerikalik mas’ullar davomli hujumlarda qiruvchi va bombardimonchi samolyotlar, raketalar qo’llanganini bildirishdi. Faollarning aytishicha beshta hujum Tabaqa harbiy aerodromiga qilindi, uch havo hujumi esa Tall Abyaz shahriga qilindi va uchta hujum Ayn Iso shahridagi 93 harbiy brigadaga va uning atroflariga bo’ldi… Amerika prezidenti Barak Obama o’zining harbiy havo kuchlariga 2015 yil 22 sentyabr dushanbada hujumlar uyushtirish vazifasini topshirgan edi… Shuning uchun Amerika markaziy qo’mondonligi qo’mondoni seshanba ertalab Suriyaga havo zarbalarini berishni tasdiqladi. Buni Bi-Bi-Sining Vashingtondagi muxbiri Pol Bleyk bildirdi. Suriya televideniesi esa hukumatning Vashington bu hukumatga oldinroq o’zining Raqqani nishonga olishini ma’lum qilganini bildirgani haqida xabar tarqatdi» (Sudan Yavm 2015 yil 23 sentyabr).
Amerika va Rossiyaning vahshiyona hujumlari «terrorizmga qarshi kurash» degan niqob ostida bo’ldi. Vaholanki amerikaliklar va ruslar agar bu erda terror bo’lsa bu terror tog’utning raketalar, yondiruvchi bombalar, portlovchi bochkalar bilan qilayotgan jinoyatlari ekanini, josuslarning zindonlarida va uyalarida yotgan mahbuslarni o’lguncha qiynoqlarga solish bilan qilayotgan jinoyatlari ekanini «unutib» qo’ya qolishdi yoki o’zlarini unutganga solishdi. Asl haqiqat esa ular soxtakorlik bilan da’vo qilayotgandek emas. Chunki bu bosqinchilar Suriya erlariga o’zlari sun’iy ravishda paydo qilishgan terrorizmga qarshi kurashish uchun havo va quruqlikdan tajovuz qilib bostirib kirishgani yo’q, balki bu vahshiyona hujumlar Damashqdagi tog’utni himoya qilish uchun va to Amerika navbatdagi malayni etishtirib chiqarishga muvaffaq bo’lguncha hozirgi malayni tirik saqlab turish uchun bo’ldi. Ya’ni bu hujumlar bosim o’tkazish vositalaridir. Maqsad oppozitsiyani tog’ut Bashar rejimi o’rniga yangi malay rejimni etishtirib chiqarishga ko’ndirib, rejim bilan shu oppozitsiya o’rtasidagi siyosiy so’zlashuvlarga yo’l ochishdir. Chunki ana shunda yangi malay rejim Amerika manfaatlariga xizmat qilishda eski malay o’rnini egallaydi. Bu ularning bayonotlarida aniq ko’rinib turibdi: «Rus tashqi ishlar vazirligi Moskva Suriya yo’nalishida tashlayotgan barcha qadamlardan maqsad bu mamlakatdagi siyosiy echimga hissa qo’shish ekanligini ta’kidladi». (Rusiyal Yavm 2015 yil 8 oktyabr). Amerika bunga o’zi ilgari maxfiy tutib kelgan narsani oshkor qilishga o’tish bilan zamin tayyorlab qo’ygan edi. Amerika Basharning darhol ketishini istamasligini, balki muzokaralardan keyin ketishini istashini hozirga kelib oshkor qila boshladi, ilgari buni maxfiy tutib kelayotgan edi. Amerikaning bundan maqsadi malaylarning oldingi holatdan keyingi holatga Amerika manfaatlarini kafolatlaydigan silliqqina tarzda o’tishini ta’minlashdir (Kerri bunday degan edi: «Biz Asadning ketishi zarurligini aytgan edik. Lekin buning muddati va yo’liga kelsak, bu Jeneva amaliyoti va muzokaralar doirasida qabul qilinishi kerak bo’lgan qarordir».
U bunday deb qo’shimcha qildi: «Bu narsa birinchi kundan yoki birinchi oydan bo’lishi zarur emas»… Arabiyya hijriy 1436 yil 5 zul-hijja, milodiy 2015 yil 19 sentyabr).
Amerika o’zining Shomda qiyin ahvolga tushib qolganini ko’rdi. Chunki u ilgari malaylar basharalarini o’zgartirish o’zi Kinona erida qilganidek Suriyada ham oson kechadi deb xayol qilgan edi. Chunki Amerika Kinona qo’zg’oloniga suqilib kirib qo’zg’olonchilarni o’zi «mo”tadil islomchilar» deb atagan kimsalar bilan tinchitgan edi. Ana shu mo”tadillar muvaffaqiyatsizlikka uchragach Amerika ularni hokimiyatga qanday olib kirgan bo’lsa shunday chiqarib tashladi va eski «gvardiya»ni yanada xunuk, jirkanch va dahshatli suratda, botilni o’rnatishga yanada jur’atli suratda hokimiyatga olib kelishga muvaffaq bo’ldi. Hatto bu ham eski, ham yangi gvardiya yangilanish degan niqob ostida diniy xitob borasida o’yinlar qilishga ham jur’at qiladigan bo’ldi!
Amerika shunday xayol qilgan edi. Lekin umidi puchga chiqdi. Chunki u tuzgan koalitsiya yuz tuban quladi. Amerika uni eski malayi o’rniga alternativ bo’lishi uchun tayyorlagan edi. Lekin bu koalitsiya Suriyada tayanchga ega bo’lolmadi. Natijada bu koalitsiya Suriyadan tashqarida quvilgan, sarson holda, uy-joysiz kimsadek qolaverdi. Bu koalitsiya Amerikaga – u bu koalitsiyani Suriyaga olib kirib hokim qilib o’rnatib qo’yishi uchun – kechayu kunduz «hamdu sano» yog’dirdi. Lekin uning bu g’araz-maqsadiga erishishga qanday yo’l bo’lsin. Zero qo’zg’olonchilar «U (ya’ni qo’zg’olon) Alloh uchun, Alloh uchun» deb hayqirayotgan bir paytda bu koalitsiya dinni hayotdan ajratish haqida jar soldi?!!
﴿أَلَا سَاءَ مَا يَحْكُمُونَ﴾
«Ogoh bulingizkim, ular (bu qilmishlari bilan) eng yomon hukm chiqarurlar» [Nahl 59]
Shundan keyin Amerika yana qattiq bosh qotirib reja tuzishga o’tdi. Chunki Amerika bu koalitsiya «ko’krakdan ajratish» yoshiga etguncha rejimning qulashidan qo’rqib qoldi! Shuning uchun rejimni Eronning yollanma qotillari va Livandagi hizbi bilan qo’llab-quvvatlashga o’tdi. Bu malaylar rejimga tirgak bo’lishdi, lekin bu bir muddatgacha davom etdi, xolos. Oxiri rejim oyog’i ostidagi er zilziladek larzaga keldi va uning nazorati ostida Suriya erlarining o’ndan biriga yaqini qoldi, xolos yoki hokimiyatidan bir ozginasi qoldi, xolos. Shundan keyin Amerika rejimga yana nafas olish imkonini berish uchun olti oyga qadar davom etadigan «sulh» uslubiga o’tdi. Shunga qaramay rejimga tahdid solayotgan muqarrar xatar saqlanib qolaverdi. Bu Amerika uchun ulkan falokat edi. Chunki Amerika o’zini zohirda qo’zg’olonchilar bilan birga qilib ko’rsatayotgan edi, shuning uchun ularga qarshi ochiq-oshkor jang qilish Amerika uchun qiyin edi. Qo’zg’olonchilar rejimga zarar etkazishdi, Amerika yangi malayi esa hali pishib-etilgani yo’q edi. Shuning uchun mana shu iflos, olovli o’yin olib boriladigan bo’ldi. Bu vazifani Rossiya bajaradigan bo’ldi. Chunki Rossiyaning roli rejimni ochiq-oshkor qo’llab-quvvatlash va qo’zg’olonchilarga ochiq-oshkor qarshi turishdir. Rossiya nazdida qo’zg’olonchilarga qarshi urush qilishni oqlovchi omil bor. Shuning uchun rejim Amerikaning buyrug’i bilan Rossiyani chaqirishga tayyor turdi va shunday ham bo’ldi. Rossiya Amerikaga xizmat qilish uchun Suriyada mana shu yovuz, iflos rolni o’ynashga rozi bo’ldi! Holbuki Rossiya Asad oilasi, uning o’zi ham, otasi ham Amerikaning malaylari ekanini juda yaxshi biladi. Amerikaning Suriyada agar Ummatni g’aflatga sololsa bir o’zi yakka xo’jayin bo’lish istagida ekanini ham Rossiya yaxshi tushunadi. Bunda hech shubha yo’q. Chunki Amerika Ummatni g’aflatga sololsa o’shanda u ruslarning Suriyada nufuzga ega bo’lishlariga imkon bermaydi, aksincha agar Amerika istasa Rossiya jang qilib himoya qilayotgan mana shu Bashar o’zini yana tiklab olsa ruslarni – xuddi Sadat ularni Misrdan haydab chiqarganidek – Suriyadan haydab chiqaradi! Putin Suriyada Amerikaga xizmat qilish bilan Rossiyaning janubiy chegaralaridagi Ukraina borasidagi muammolarni tinchitishni xayol qilyapti. Lekin bu ikkisi boshqa-boshqa ishlardir! Chunki Rossiyaning musulmonlarga qarshi urush botqog’iga toyishi unga ulkan falokatlarni keltiradi, bu falokatlar oldida Ukraina muammosi musulmonlarning Rossiyaga qarshi g’azabi dengizidagi bir tomchi bo’lib qoladi. Ertangi kun esa uni kutuvchi uchun yaqindir.
Ey musulmonlar!
Rus samolyotlarining havodan, dengizdan va hatto ularning bazalari va maslahatchilari yordamida quruqlikdan qilayotgan hujumlari Amerika bilan kelishib bo’lmoqda. Balki ruslar amerikaliklar nomidan va ularning buyrug’i bilan urush qilishmoqda. Bunga ularning o’z ahllaridan bir guvoh guvohlik berdi: «Britaniyaning Gardian gazetasi Amerika senati senatori Jon Makkeynning «Qo’shma Shtatlar Suriyada Rossiya bilan birga vakolatli urushga kirdi» degan so’zlarini keltirdi». Al-Jazira 2015 yil 5 oktyabr. Shuning uchun Amerikaning Turkiyaning janubiy chegaralarida o’rnatilgan Petriot raketalarini olib tashlash haqidagi qarori Rossiyaga bu raketalarning qarshiligisiz hujumlar qilish imkonini berish uchun bo’lganligi ehtimoldan uzoq emas: «Amerika mudofaa vazirligi Turkiyadan Petriot raketalarini olib chiqib ketishga qaror qildi. Bu raketalar ikki yil oldin, 2013 yil yozida Turkiyani Suriyadan raketalar otilishi ehtimolidan himoya qilish uchun joylashtirilgan edi. Suriyadagi hodisalar rivojiga qaramay bu raketalar qaror qilinganidek joriy oy orasida olib chiqib ketiladi. Olingan manba AFP». (Rusiyal Yavm 2015 yil 2 oktyabr). Bu erda boshqa ish ham bor. U shuki, ikki davlatning samolyotlari bitta osmonda charx ursa bu yo ikkala davlatning ikki do’st sifatida o’zaro kelishib hamkorlik qilishi bilan bo’ladi yoki ikki dushman sifatida ikkalasi o’rtasidagi urushda bo’ladi. Natijada bu ikki dushman har qanday urushda bo’lganidek bir-biri bilan to’qnashadi, bir-biriga snaryadlar otadi. Buni har qanday oqil kishi yaxshi biladi. Faqat agar ikkalasi bir-biriga do’st bo’lsa unda ikkalasi ikki maqsadni emas, bitta maqsadni amalga oshirish uchun samoda hamkorlik qilishadi. Ikkala taraf bergan bayonotlar bu hamkorlikni isbotlab turibdi: «Rus tashqi ishlar vazirligi 2015 yil 8 oktyabrda o’zining elektron saytida nashr qilgan bayonotida «Rus prezidenti Putin va uning amerikalik hamkasbi Barak Obamaning BMT Bosh Assambleyasi yig’inidan alohida uchrashuvlari yakunida qilgan takliflariga muvofiq ikki davlat tashqi ishlar vazirlari Suriyadagi vaziyatga oid echim yo’llarini, jumladan Suriya havo bo’shlig’ida hodisalar yuz berishining oldini olish zarurligini va Suriyada siyosiy echim amaliyotini 2012 yil 30 iyundagi Jeneva bayonotiga muvofiq qo’llab-quvvatlash yo’llarini muhokama qilishdi» deb bildirdi». Bayonotda ikkala vazir «Ukraina bo’yicha 12 fevralda imzolangan Minsk kelishuvlarini amalga oshirish qadamlarini ham ko’rib chiqishgani» ham aytilgan. (Hayot: raqamli nusxa, chorshanba, 2015 yil 7 oktyabr).
Ish shundangina iborat bo’lib qolmadi, balki Amerika Turkiyani ruslarning bu hujumlariga qarshi chiqmay sukut saqlashga majbur qildi. Holbuki bu hujumlar Turkiyaning shundoq chegaralarida bo’libgina qolmay, balki rus samolyotlari Turkiyaning havo bo’shlig’ini buzib ham kirdi. Shunga qaramay qurol-aslahalar va hatto tillar ham soqov bo’lib oldi. Chunki Turkiyadagi bu tillar o’z obro’sini saqlab qolish uchun boshqa safar aslo sukut qilmasligini uyalibgina aytdi. Shundan keyin yana, yana buzib o’tishlar bo’ldi, bu tillar esa hamon sukutda. Chunki Amerika Rossiya samolyotlarining hech kimni qarshiligiga uchramay bemalol o’z hujumlarini amalga oshirishini istadi. Rus samolyotlarining havo bo’shlig’ini buzib o’tishiga qarshi bu harbiy sukut maxfiy bo’lmadi, balki ochiq-oshkor bo’ldi: «… Turkiya rus qiruvchi samolyotlari o’tgan shanba va yakshanba kunlari Suriya chegaralari yaqinida havo bo’shlig’ini buzib o’tganini bildirdi… Turkiya kecha belgisi noma’lum «MiG-29» samolyoti «F-16» rusumidagi sakkizta turk samolyotini qisuvga olganini bildirdi… Turk armiyasi bir samolyot turk samolyotlariga qarata raketa otishga tayyorlanib, o’z nishonini aniq nishonga olish uchun radarini ishga soldi, deb bildirdi…» (Hayot: raqamli nusxa, chorshanba, 2015 yil, 7 oktyabr). Shunga qaramay hech qanday ta’sirli chora ko’rilmadi, balki rus elchisi chaqirilib, do’stona aloqalarga ziyon etishi mumkinligi haqida ogohlantirildi, xolos! «O’z navbatida Turkiya prezidenti Rossiyani agar u o’zining Anqara bilan bo’lgan do’stona aloqalarini buzadigan bo’lsa ko’p ziyon ko’rishi to’g’risida ogohlantirdi va rus samolyotlari havo bo’shlig’ini buzib o’tishda davom etaversa Turkiyaning sabr qilib turavermasligini aytdi. Turkiya Anqaradagi rus elchisini «qattiq norozilik» bildirish uchun ikki kunda ikki marta chaqirdi. Bu chaqirish rus qiruvchi samolyotlari Suriya chegaralari yaqinida havo bo’shlig’ini yana buzib o’tganidan keyin ro’y berdi. Buni tashqi ishlar vazirligidagi bir mas’ul bildirdi…». (Dastur, 2015 yil 7 oktyabr).
Ey musulmonlar!
Musulmonlarning yurtlari dushmanlar samolyotlari, bombalari va kemalari uchun bir maydonga aylanib qolganligi juda alamlidir. Musibat shundangina iborat bo’lib qolmadi, balki dushmanning Ummatga qarshi bosqinchiligi Islomiy Ummat tarixida birinchi marta qarsaklar bilan olqishlanib, maqtovlar yog’dirilib, yana bosqinchilikka chaqirilmoqda. Holbuki bu Allohga, Rosuliga va mo’minlarga qilingan bir xiyonat hisoblanadi. Aslida dushmanning musulmonlarga tajovuzi olqishlanmaydi, maqtalmaydi yoki uni o’z samolyotlari bilan Islom eriga hujum qilishga chaqirilmaydi, aksincha bu dushmanga qarshi jang qilinib uni mag’lub qilinadi, uning ustidan g’alaba qozoniladi! Biz bugun ba’zi kimsalarning Amerika koalitsiyasi bosqinchiligini maqtabgina qolmay balki bu koalitsiya samolyotlarining kundalik bosqinchilik uchishi kamayibroq qolsa bu koalitsiyani ayblayotganini eshitmoqdamiz va ko’rmoqdamiz. Buning muqobilida biz ba’zi kimsalarning rus bosqinchiligini maqtayotganini va ruslarning havo hujumlarini bir ajoyib qahramonlik amaliyoti deb hisoblayotganini eshitib, ko’rib turibmiz! Bu hech shubhasiz eng katta musibatlardan biridir. Chunki malaylar bir muncha zamon oldin o’zlarining mustamlakachi kofirlarga malay ekanliklarini oshkor qilishga uyalishardi, oshkor qilmasdan bu kofirlarga xizmat qilishardi. Bundan tashqari malaylar kofirlarning musulmonlar yurtlariga qarshi bosqinchiligini oshkora qo’llab-quvvatlashmas edi. Bugun esa Amerika «terrorizmga qarshi kurash» degan niqob ostida musulmonlarga qarshi bosqinchilik qilish uchun bir necha davlatlardan iborat ittifoq tuzmoqda. Rossiya esa Eron bilan ittifoq tuzmoqda, Bag’dod va Damashq ham bu ittifoqqa «terrorizmga qarshi kurash» degan bahona bilan bo’ysunmoqda. Aslida esa terror asoschilari va manbai mana shu mustamlakachilarning o’zidir. Ular qaerni bosib olishsa vahshiyona amaliyotlar ularning ajralmas hamrohidir. Ular Islom va uning ahliga qarshi urush qilishga ittifoq qilishgan. Zero bu Islom dushmanlarining doimiy odatidir. Ular ba’zi ishlarda bir-biri bilan kelishmasliklari mumkin, lekin Islomga qarshi hammasi birlashishadi.
﴿هُمُ الْعَدُوُّ فَاحْذَرْهُمْ قَاتَلَهُمُ اللَّهُ أَنَّى يُؤْفَكُونَ﴾
«Ular dushmandirlar. Bas, ulardan ehtiyot bo’ling! Ularni Alloh la’natlagay! Qanday adashmoqdalar-a!» [Munofiqun 4]
Amerika musulmonlar yurtlariga qarshi qilinayotgan bosqinchiliklarning boshchisidir. Masalan Amerika bizga qarshi Shomda jang qilmoqda. Nafaqat bevosita jang qilmoqda, balki turli xil yugurdaklari: mahalliy, regional va xalqaro yugurdaklari yordamida ham jang qilmoqda. Masalan Amerika Shom tog’uti va uning yugurdaklari yordamida jang qilmoqda. Bu tog’ut qulashga yaqinlashib qolganida esa Amerika uni Eron va uning Livandagi hizbi hamda Iroqdagi qoldiq malaylaridan iborat regional malaylari yordamida qo’llab-quvvatladi. Bu ham foyda bermagach Amerika iflos xalqaro bitimni tuzdi, Rossiya uning etagiga osilib, ziyon keltiradigan bitim bo’yicha Amerika manfaatlari uchun jang qiladigan bo’ldi. Bu erda Yevropa ham bor. U bizga qarshi payt poylab turibdi, Amerika atrofida girdi kapalak bo’lib, u nimani aytsa shuni takrorlayapti. Yevropa o’ziga Amerikadan biron narsa yoki ozgina narsa tegib qolishi umidida shunday qilmoqda!
Ey musulmonlar!
Bizning bu ahvolimizni muolaja qiladigan davo noma’lum emas, ma’lumdir. Uning Alloh izni bilan zafar qozonishi qat’iy aniqdir, bunda hech shubha yo’q. Buni Hiro g’ori, Rosul Aning hijrati va roshid Xalifalik o’z tili bilan aytib turibdi. Buni Aqaba sohili, Andalus Toriqi, Horun so’zi, Mo”tasimning javobi, Aqsoni ozod qilgan va salibchilarni yanchib tashlagan qahramon Salohiddin Hittini, mo’g’ul-tatarlarga halokatli zarba bergan Qutz va Beybars Ayn Joluti, Qanday ham yaxshi amir degan sharafli unvonga sazovor bo’lgan Qustantiniya Fotihi baralla e’lon qilib turibdi. Buni Frantsiyaning o’z qirolini asirlikdan qutqazish uchun musulmonlar xalifasi Sulaymon Qonuniydan yordam so’ragani tasdiqlab turibdi. Buni Amerikaning o’z kemalari O’rta er dengizida salomat yurishi uchun Islom davlatiga soliq to’lashga majbur bo’lganligi ta’kidlab turibdi. Bundan mahrum bo’lish oqibatidan xalifa Abdulhamidning Falastin va yahudiylar haqida aytgan so’zlari va uzoqni ko’ra olganligi ogohlantirib turibdi. Abdulhamid rohimahulloh: «Agar Xalifalik yo’q qilinsa o’shanda Falastinni hech bir pul to’lamay olasizlar» deb aytgan edi. Shunday ham bo’ldi. Chunki Falastin bosib olindi va yurtlarimiz har qanday jinoyatkorona bosqinchilik uchun bir maydonga aylanib qoldi. Shuning uchun muolaja mustahkam qal’aga, roshid Xalifalikka qaytishimizdir. Chunki Xalifalikda dunyo va oxirat azizligi bor. Muolaja mana shudir. Bu muolaja Alloh Kitobida o’chmas qilib bitib qo’yilgan va Rosululloh A Sunnatida unutilmas qilib zikr qilingan, tarix sahifalaridan nurdan bo’lgan siyoh bilan chuqur joy olgan. U bilan haqqa quloq tutadigan har bir aql sohibi eslatma oladi.
﴿إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ﴾
«Albatta bunda (ogoh) qalb egasi bo’lgan yoki o’zi hozir bo’lgan holda (ya’ni sidqidildan) quloq tutgan kishi uchun eslatma-ibratlar bordir» [Qof 37]
Hizb ut-Tahrir
27 zul-hijja 1436h
11 oktyabr 2015m