Hizb ut-Tahrir – Turkiya viloyati matbuot bo’limining rahbari Mahmut Qor Turkiyaning Suruch shahrida yuz bergan portlash hodisasaga va uning ortidan sodir etilgan jinoyatlarga izoh berdi. Uning izohida shunday deyiladi:
20 iyulda Suruch shahrida yuz bergan qonli hodisadan quyidagilar ma’lum bo’ldi.
1) 12 yildan buyon davlatni boshqarib kelayotganlar qanchalar muvaffaqiyatsizlikka yuz tutganligi yana bir bor ma’lum bo’ldi. Chunki bu hodisa ortidan darhol rasmiy bayonotlar va siyosiy qarashlar orqali uning ortida turgan mustamlakachilarning rejasi fosh qilinmadi. Buning o’rniga politsiya bilan xalq o’rtasida kurash paydo qilish uchun imkoniyat yaratib berildi.
2) Turkiyada bu haqida xabar tarqatgan medianing naqadar xatarli ekanligi fosh bo’ldi. Ularning barchasi Musulmonlar orasida urush chiqarish uchun jodugarlik qila boshlashdi. O’tgan kuni Istambul va Adanada “Kurdiston ishchilar partiyasi” (PKK) tarafidan o’ldirilgan begunoh musulmonlar haqida milliy matbuotda biror bir xabar tarqatilmadi.
3) Bundan tashqari hukumat, muxolif partiyalar, PKK, so’lchi tashkilotlar va matbuotning IShID haqidagi tashviqotlaridan ta’sirlangan ba’zi islomiy tashkilotlar bu hodisa ustida ishlab chiqilgan parda ortidagi rejani ko’ra olishmadi. Natijada bular ham yangi kurash uchun fursat izlashga tushdilar.
4) AQSh bilan tuzilgan oxirgi bitimlar doirasida Suruch hodisasi va uning ortidan jamiyatda yuzaga kelgan beqarorlikni g’animat bilgan hukumat AQSh bilan kindigi bir ekanligini yana bir bor isbotladi.
5) Biz PKKning musulmon kurdlarga nisbatan amalga oshirgan jinoyatlarini va IShIDning ham musulmonlarga, xususan Xalifalikni tiklash uchun faoliyat olib borayotgan musulmonlarga qilayotgan yomonliklarini bilamiz. O’z xalqi va birodarlarini o’ldirayotganidan hamda mustamlakachilar bilan hamkorlik qilayotganidan xabarimiz bor. Ammo shuni yaxshi bilamizki, har ikki tashkilotdan ham bu tuzoqning bir qismi sifatida foydalanilmoqda.
6) Bu qatliomni amalga oshirganlar va haqiqiy qotillar g’arbliklardir. Bu hodisa Turkiya va uning ustidagi Amerika-Angliya kurashining natijasidir. Mustamlakachilar va ularning mahalliy malaylari bu tuzoq orqali kurd va turk Musulmonlarini sun’iy tashkil qilingan PKK-IShID kurashi orqali bir biri bilan urishtirmoqchi.
Oxirgi paytlarda Musulmonlarga nisbatan amalga oshirilayotgan razil jinoyatlar, hujumlar va suiqasdlar shuni ko’rsatmoqdaki, Turkiya hukumati va muxolif partiyalar yo bu tuzoqni ko’rishdan ojiz, yoki amalda bu tuzoqni qo’yuvchilari bilan sherikdirlar.
Suruch jinoyatini amalga oshirganlar g’arbliklardir. Jinoyatchini boshqa joydan izlab, o’zaro janjallarga yo’l ochib berish katta jinoyatdir. Bu borada avvalambor siyosatchilarni, undan so’ngra esa matbuotni va barcha doiralarni aqlli ish olib borishga chaqiraman.