Amaliy fanlar universiteti professori va farmatsevtika fakulteti tadqiqotchisi, Iordaniyalik mashhur mutafakkir doktor Iyad Kunaybiy Iordaniya politsiyasi tomonidan qamoqqa olindi. Keyingi olingan xabarlarga ko’ra, 15 iyun dushanba kuni Kunaybiyning ish joyiga, ya’ni universitetga bostirib kirgan politsiyachilar professorni o’zlari bilan politsiya markaziga olib ketishgan va shundan so’ngra u kishini qamoqqa olinganligi ma’lum qilingan.
Iyod Kunaybiyning qanday aybga binoan qamoqqa olinganligi haqida biror bir ma’lumot yo’q. Ammo biroz avval Doktor Kunaybiy Iordaniyada bo’lib o’tgan oxirgi hodisalar haqida maqola yozgan edi. Doktor o’zining maqolasida Iordaniya jamoatchiligi yuz tutayotgan muammolarni moddalarga ajratib birma-bir taqdim qiladi.
10ta moddadan iborat maqolasida Iyod Kunaybiy mamlakatda buzuqlik va Fahsh ishlarga sabab bo’ladigan tadbirlar davlat boshchiligida tashkil qilinayotganini tanqid ostiga olar ekan, hijobli muslimalar “terrorizmga qarshi kurash” nomi ostida tazyiqlarga duchor bo’layoganiga e’tibor qaratadi. Doktorning yozishicha, 13-18 yoshlardagi yigit qizlar “yahudiylar bilan uchrashib turishsin”, degan maqsadda sionistlar o’yin-kulgu maskanlariga va suzish hovuzlariga olib borilgan.
Shuningdek Iyod Kunaybiy Iordaniya iqtisodini kuchaytirish bahonasida Isroil bilan gaz shartnomasi tuzilganligini, davlat rahbarlarining “Charlie Hepdo” karikaturasi ortidan yuzaga kelgan Frantsiyadagi yurishlarga rasman ishtirok etganligini, O’lik Dengiz yig’ilishida Shimon Peresni tinchlik qahramoni sifatida namoyon qilinganligini, hamjinsbozlar (geylar va lesbyankalar) mamlakatda ochiq tarzda faoliyat yuritishlari uchun AQSh elchisining tashrifi munosabati bilan yig’ilish tashkil qilinganligini qattiq tanqid ostiga oladi.
“Xalqning aksariyati uxlashda davom etmoqda. Hech bir rasvolikni rad qilish kabi dardi yo’q. Hatto o’z uyini isloh qilishdan ham qochadilar”, “Davlat mas’ullariga yaltoqlanmay, ikkiyuzlamachilik qilmay, bu ishlar haqida yaxshilab o’ylab ko’ring. Aksincha ularning qilayotgan ishlariga sherik bo’lasizlar”, “Bularni barchasini esdan chiqarmangki, Allohdan balo kelganda “nima uchun”, deb so’rab o’tirmang”, deyiladi jumladan Doktor Kunaybiyning maqolasida.
Turkiston: Ollox sabr bersin birodarimizga.