Musulmon birodarlar harakatining so’zchilaridan biri Ashraf Abdulg’affor Mursiy hukumati kofirlarga ishonib xato qilganligini bildirdi. Uning ochiqlashicha, Musulmon birodarlar harakati Misrning hozirgi prezidenti Abdulfattoh as-Sisiy borasida AQShga ishonib katta xatoga yo’l qo’ygan.
“Musulmon birodarlar harakatining eng katta xatosi Amerikaga ishonishi bo’ldi. Biz AQShga ishonib as-Sisiyni xavfsizlik bosh shtabining rahbari qilib tayinladik. Bizning eng katta xatomiz shu edi. Oldindan rejalashtirilib qo’yilgan “til biriktiruv” ichiga tushib qoldik, xiyonatga duch keldik. Inqilob davrida bizni qo’llab quvvatlagan bir qancha insonlar yuqorida aytib o’tilgan xato siyosatimiz tufayli bizga qarshi bo’lib qolishdi”, dedi Ashraf Abdulg’affor.
Ma’lumki bundan bir necha kun avval Musulmon birodarlar harakatining vakili Misrning sobiq prezidenti Muhammad Mursiy Misr oliy sudi tarafidan o’lim jazosiga hukm qilindi. U 2011 yildagi tutqunlarning qamoqdan ommaviy qochishi bilan bog’liq halokatli hodisalar bo’yicha aybdor deb topilgan.
Turkiston:
Darhaqiqat Misrda Husni muborak qulatilgandan so’ng yangi hukumat AQSh bilan hamkorlikdan voz kechmadi. Vaholangki Alloh Taolo Quroni Karimda
وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ
“Yahudiy va nasroniylar ularning diniga kirmaguningizcha hargiz sizdan rozi bo’lmaydilar.”, [Baqara 120]
deb kofirlarning qandayligini bizga aniq ravshan yoritib bergan.
O’sha paytlarda Hizbut Tahrir uyushmasi bir necha bayonotlar chiqarib, prezident Mursiy va butun ummatni kufrga yon berish xataridan ogohlantirgan edi. Uning 2012 yil 12 avgustda chiqargan bayonotida jumladan shunday deyiladi:
“Misrdagi siyosiy hodisalarni kuzatgan kishi Amerikaning changali harbiy kengash va uning tobelaridan iborat eski siyosiy doira ichiga kirib borganini va saylovlardan keyingi Misr prezidenti va uning yordamchilaridan iborat yangi siyosiy doiraga ham kirib borayotganini tushunib etadi”,
Yana shunday deyiladi:
“Biz bu bayonotni Misr prezidenti Muhammad Mursiyga yana bir bor nasihat qilish bilan – garchi u oldingi nasihatimizni olmagan bo’lsada – yakunlaymiz… Chunki biz hech bir musulmonga nasihat qilishdan aslo umid uzmaymiz, ayniqsa bu musulmon boshqaruv ishiga aralashgan bo’lsa bundan umidni uzmaymiz. Shuning uchun birinchi nasihatimiz orqasidan shu ikkinchi nasihatni ham qilib bunday deymiz: Amerika changali garchi eski va yangi siyosiy doiralarga cho’zilgan bo’lsada lekin uni qirqib tashlash oson. Kelajagi achchiq bo’lgan xatoni to’g’rilash kelajagi achchiqliklarga to’la xatoni davom ettirishdan ko’ra yaxshiroqdir. Chunki Amerika changali borasida ish tutishda do’st tutish va yaqin bo’lish foyda bermaydi… Balki eng foydali malham bu changalni kesib, qirqib tashlashdir. Aks holda nadomat va pushaymonlik bo’ladi, unda kech bo’ladi, nadomat foyda bermaydi! Allohning er yuzidagi Kanonasi kuchqudratga egadir, uning o’tmishi bunga aniq guvoh. Kimki haqiqatda Alloh bilan birga bo’lsa albatta g’olib bo’ladi, Zikrul Hakim oyatlari buni aytib turibdi, buni Misr prezidenti ham o’zining oxirgi nutqida:
«Alloh O’z ishida g’olibdir, lekin odamlarning ko’plari (buni) bilmaydilar» [Yunus 21] deb takrorladi.
Ha, Allohning so’zi haqdir
«Allohdan ko’ra rostgo’yroq kim bor?!» [Niso 87]
Ogoh bo’linglar, etkazdikmi, Allohim, O’zing guvoh bo’l… Ogoh bo’linglar, etkazdikmi, Allohim, O’zing guvoh bo’l… Ogoh bo’linglar, etkazdikmi, Allohim, O’zing guvoh bo’l.
Hizbut Tahrir
25 ramazon 1433h
13 avgust 2012m