Birodarimiz Abdurazzoqning vafoti haqidagi xabar
Allox Taolo aytadi:
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا
“Mo’minlar orasida o’zlari Allohga bergan (U zotning yo’lida jihod qilib, shahid bo’lish haqidagi) ahdu paymonlariga sodiq bo’lgan kishilar bordir. Bas ulardan (ayrim) kishilar o’z ahdiga vafo qildi, (ya’ni shahid bo’ldi), ulardan (ayrim) kishilar esa (shahid bo’lishga) intizordir. Ular (munofiqlarga o’xshab Allohga bergan ahdu paymonlarini) o’zgartirganlari yo’q”.
Rajab oyining 21 kuni tunda (10.05.2015) birodarimiz Quvvatov Abdurazzoq 47 yoshida mustabid Emomali Raxmonov rejimi qamoqxonasida uzoq davom etmagan kasalligi tufayli hayotdan ko’z yumdi.
Abdurazzoq 2002 yil 9 sentyabrda “Xizb ut-Taxrir” partiyasiga a’zolikda ayblanib, 13 yil kamok jazosiga hukm kilingan va Dushanbe shahrida joylashgan 3/1 sonli jazoni ijro etish muassasasiga yuborilgan edi. Tog’ut Imomali Rahmonov rejimi tomonidan nohaq ozodlikdan mahrum etilgan va deyarli 13 yildan beri qamoqxonada yotgan Birodarimizning jazo muddati 2015 yil 9 sentyabrda tugashi kerak edi.
Payg’ambarimiz(S.A.V) “O’lim musulmonga xadyadir”, deya marhamat qilganlar.
Zero musulmon uchun ajalning etishi, dorulfanodan dorulbaqoga, ya’ni muvaqqat hayotdan abadiy hayotga rihlat qilish demakdir. Darhaqiqat, bizning birodarimiz o’ziga shunday yashashni taqdir qilgan Buyuk Robbisi xuzuriga qaytdi.
Marhum birodarimiz Robbisi xuzuriga va abadiy jannat ne’matlari tomon oshiqdi, U shudayin Jannatki, kengligi eru osmonchalik bo’lib, u erda na xavfu xatar bordir va na mashaqqat. Uning egalari u joyda shod-masrur holda umr o’tkazadilar.
Birodarimiz Abdurazzoq Roshid Xalifalikni qayta barpo etish orqali Allohning Shariatini er yuzida hukmron qilish uchun Hizb ut-Tahrir bilan birga faol da’vat olib borardi. Alloh yo’lida o’zidagi bor kuch va imkoniyatini ishga solgan birodarimiz iymoni baquvvat, kamtar, oddiy va hozirjavob yigit edi. U payshanba kuni ertalab sog’ligidan shikoyat qila boshladi va oradan 3 kun o’tib qorin og’rig’idan, ya’ni oshqozon-ichak yarasidan vafot etdi.
Rosulalloh (s.a.v.) shunday marhamat qildilar: «Ajalning besh turi bo’lib, kim shunday o’limga duchor bo’lsa bas, u shubhasiz shahiddir: Alloh yo’lida o’ldirilgan odam shahiddir, Aloh yo’lida suvga cho’kib o’lgan odam- shahiddir, Alloh yo’lida qorin og’rig’i tufayli olamdan o’tgan inson – shahiddir, Alloh yo’lida vabo va o’latga uchrab vafot etgan har bir kishi shubhasiz u shahiddir, Alloh yo’lida ko’zi yorigan va o’lim topgan ayol shahidadir» (Sahih, an-Nisoiy (№ 3165) Uqbat ibn Amirdan rivoyat qilgan va ushbu hadis Sahih al-jami’da ham kelgan № 3249).
Payg’ambarimiz (s.a.v.) yana shunday dedilar: «Kim sidqi dildan Allohdan shahidlikni so’rasa, Alloh unga shahidlik o’limini va darajasini albatta beradi, garchi u o’zining ko’rpa to’shagida vafot topsa ham!» (Sahih, Muslim (№ 4886) va yana to’rt kishi Saxla ibn Hanifadan rivoyat qilganlar, bu hadis Sahih al-jami’da bor № 6152).
Birodarimiz Abdurazzoqning Allohdan shahidlikni so’raganligiga aminmiz. Biz Qodir Allohdan uni O’z rahmatiga olishini, unga Firdavs jannatini, oila a’zolariga sabru jamil ato etishini so’raymiz.
Allohim uning ahli baytiga va xususan ayoliga go’zal sabr ato etsin, zero bizlarning muslima singlimiz bo’lmish u ayol ham ayni vaqtda mustabid rejim qurboniga aylandi. Zolim hukumat uni ham Hizb – ut- Tahrirga az’olikda ayblab 10 yil qamoq jazosiga hukm qildi. Roshida singlimiz hozir Tojikistonning Nurek shahridagi ayollar koloniyasida jazo muddatini o’tamoqda. Allohdan unga zolimlarning qo’lidan najot berishini va farzandlarining bag’riga qaytarishini so’raymiz .
Insha Alloh, bizning birodarimiz Abdurrazoq shahidlar bilan bir safda bo’ladi va ularnig Alloh nazdidagi martabalari benihoyat ulug’dir. Ular Allohning suyukli bandalari va muqarrablaridirlar. Zero ular Alloh yo’lida mustabid hokimlarning azobiga uchradilar, zolimlaring qo’lida o’lim topdilar. InshoAlloh Mehribon Yaratuvchi ularning zindonda o’tkazgan har bir soniya, daqiqa va kunlarini zoe qilmaydi. Alloh ularning ajru savobini to’la to’kis, balki ziyoda qilib beradi.
Darhaqiqat, birodarimiz Abdurazzoqdan ajrab qolganimiz sababli qalblarimiz qayg’uga to’ldi, ammo bizlar Allohning rozi qiluvchi so’zdan boshqa so’zni aytmaymiz:
إنا لله وإنا إليه راجعون
“Albatta, biz Allohnikimiz va albatta, biz Unga qaytuvchimiz”. (Baqara. 156)
Ey Allohim, bizning birodarimizga yaxshiliklaringning eng yaxshisini in’om etgin. Unga rahm qilgin va gunohlarini mag’firat qilgin! Parvardigoro, Abdurazzoqni payg’ambarlar, siddiqlar, shahidlar va solihlar bilan birga qilgin, ular na qadar yaxshi hamrohdirlar.