AQSh davlat kotib Jon Kerri bergan bayonotida, Rossiya Ukraina bo’yicha erishilgan Minsk bitimlarini amalga oshirishga etarlicha istak bildirmay kelayotganini aytib o’tdi. Uning so’zlariga ko’ra, shu sababli ham sanktsiyalarni bekor qilish masalasi ko’rib chiqilayotgani yo’q.
“Ayni vaqtda biror-bir sanktsiyani bekor qilish bo’yicha Rossiyaning istagiga erishish qiyin bo’lib qolmoqda”, – degan Kerri “Rossiyaga nisbatan bosimlarni davom ettirish zarur”ligini ta’kidlab o’tdi.
22 aprel kuni Rossiya tashqi ishlar vaziri Sergey Lavrov Jon Kerri bilan bo’lib o’tgan telefon orqali so’zlashuvida rasmiy Kievni Ukraina hududidan barcha xorijiy bo’linma, harbiy texnika va yollanma askarlarni chiqarib yuborish to’g’risidagi o’z zimmasiga olgan majburiyatlarni bajarmayotganlikda ayblab, AQSh harbiylarini Lvovga kelishi Minsk kelishuvlarining buzilishi deb baholashini aytgan edi.
O’z navbatida Jon Kerri Amerika harbiy instruktorlarini Ukraina hududida mavjudligini shaffof, deb atagan va Lavrovni o’t ochishni to’xtatish tartibiga amal qilinishi uchun Donbassdagi isyonchilarga bosim o’tkazishga chaqirgan edi. Bundan tashqari, Kerrining belgilashicha, “Rossiya Ukraina sharqidan o’z qo’shinlarini olib chiqib ketishi zarur”.
AQSh prezidenti Barak Obama 18 aprel kuni bergan bayonotida, Yevropa ittifoqini Minsk kelishuvlari to’liq amalga oshgunga qadar Rossiyaga qarshi sakntsiyalarni saqlab qolishga chaqirgan edi. “Eng kamida, ular Minsk kelishuvlaridagi shartlarni bajarishgunga qadar amaldagi sanktsiyalarni saqlab qolishimiz kerak”, – degan edi Obama.