“Barki tochik” Ochiq aktsionerlik xolding kompaniyasi (OAXK) mamlakatning barcha aholi punktlariga 23 yanvar kuni soat 10:00 dan 12:00 gacha uzliksiz elektr energiyasi etkazib berilishini ma’lum qildi.
Kompaniya matbuot kotibi Nozir Yodgoriyning “Aziya-plyus” nashriga bergan xabariga ko’ra, o’tgan yilning oktyabr oyi boshlarida elektr energiyasiga joriy etilgan cheklovlarga bunday engillik kiritilishga Tojikiston prezidenti Imomali Rahmonning aynan shu vaqtda qiladigan murojaati bilan bog’liq.
“Prezidentning parlamentda qiladigan murojaati mamlakatning siyosiy, ijtimoiy, iqtisodiy va madaniy hayotida eng muhim voqealardan bo’lib, odamlar jonli efirda tomosha qilishlari mumkin bo’ladi”, – dedi Yodgoriy.
Uning so’zlariga ko’ra, 23 yanvar kuni kech soat 20 dan 22 gacha mamlakatning barcha telekanallari prezident murojaatini qayta namoyish etadi. Bu vaqtda esa aholi punktlari elektr energiyasini belgilangan me’yor bo’yicha olishadi.
Rasmiy hukumat tomonidan qabul qilingan an’anaga binoan, barcha davlat muassasalari xodimlari davlat rahbarining parlamentdagi chiqishini majlislar zalida televizor orqali tomosha qilishadi.
Turkiston:
Uzoq yillardan buyon nafaqat qish faslida, xatto yoz oylarida ham elektr energiyasi taqchilligiga uchraydigan Tojikiston Afg’onistonga yiliga 1 mlrd. kvt/soat elektr energiyasi sotadi. Rasmiy ma’lumotlarga ko’ra, Tojikistonning yillik elektr energiyasi ishlab chiqarish imkoniyatlari 527 mlrd kvt/soat bo’lib, Markaziy Osiyo mintaqasida sarflanadigan elektr energiyasi hajmidan 3 baravar ortiqdir. Ammo shunga qaramay tojikistonlik oddiy xalq sutkasiga 2-4 soat elektr yorug’ligi bilan ta’minlanadi xolos.
Rasmiy hukumatning 23 yanvar kuni aholiga ko’rsatayotgan “himmati” esa prezidentning yo’llaydigan murojaati bilan bog’liq ekan. Kompaniya rasmiysi Yodgoriyning “Prezidentning parlamentda qiladigan murojaati mamlakatning siyosiy, ijtimoiy, iqtisodiy va madaniy hayotida eng muhim voqealardan” ekanligini ta’kidlab o’tgan bo’lsada, ammo jamiyatni ijtimoiy, iqtisodiy va madaniy rivojlanish uchun zarur bo’lgan elektr energiyasidan mahrum qilingan xalq bilan hech kimni ishi yo’q.
Tojikiston prezidenti Imomali Rahmon ham huddi Karimov 16 yanvar kuni vazirlar maxkamasi majlisida so’zlagan nutqida “Bugungi kunda O’zbekistondagi oilalarning 94 foizi xolodilniklarga, 84 foizi turli oshxona elektr jihozlariga, 63 foizi kir yuvish mashinalari, yarmidan ko’pi kompyuter, changyutgich, mikroto’lqinli pechlarga ega, uchdan bir qismi esa konditsionerlarlan foydalanayotganini” aytib og’iz ko’pirtirgani kabi xalqning qo’ynini puch yong’oqqa to’ldirsa kerak. Bu prezidentlar o’lchovi bo’yicha faravonlik belgisi bo’lgan bu narsalardan foydalanish uchun elektr energiyasi bo’lmasa, ularga ega bo’lishdan nima foyda?