Saudiya arabistoni shimol Iroq chegarasida, janub tomondan esa Yamanda chegarsida “buyuk Xitoy devor”ini qurish uchun tayyorgarlik ko’rmoqda. Bu Saudiya hukumati bilan yon qo’shnisi Iroqda kuchayib borayotgan IShID tahdidiga qarshi va Yamandagi Al-Qoidaga qarshi ulkan to’siq yaratishni rejalamoqda. Saudiyaning shimolidagi Tarif va Hafar al-Batin mintaqasini kesib o’tadigan ulkan devorning uzunligi 1000 km yaqin bo’lishi aytilmoqda. Shuningdek, Saudiya 1609km masofaga ega Yaman bilan chegarasini ham baland devor bilan o’rash haqida bosh qotirmoqda.
Ayni paytda chegara xavfsizligi besh qavatli sim to’siqlar bilan himoyalangan. Chegara kuzatuv minoralari, radarlar va tungi kuzatuv kameralari bilan jihozlangan.
Turkiyada chiqadigan “Vatan” gazetasining yozishicha, Saudiya arabistonining Iroq bilan chegasida IShID tashkilotiga mansub jangchilar bilan Saudiya harbiylari orasida qurolli to’qnashuv kelib chiqqan. To’qnashuvda uch harbiy, jumladan yuqori martabali qo’mondon Udah al-Balaviy halok bo’lgan. xabarga ko’ra, bundan so’ng Saudiya Arabistoni Iroq balan chegarasini baland bevor bilan to’sishga kirishdi.
Markazi Myunxenda joylashgan bir firma tarafidan tayyorlangan “shimoliy chegara xavfsizlik loyihasi” 3,4 milliard dollar sarf xarajat talab qiladi. Yuksak texnologiyalar bilan jihozlangan chegara to’sig’idan “deyarli qush ham uchib o’ta olmaydi”, deya mubolag’a qilinmoqda. Haroratga mos kameralar bilan jihozlangan vertalyotlar osmonda uchib tursa, erda avtoulovlar kuzatuvi yo’lga qo’yiladi. Yer ostidan kavlab o’tishni oldini olish uchun tebranish sensorlari o’rnatiladi.
Rasmiy Riyoz IShID hujumlari ortidan shimoliy chegarasiga 30 ming askar joylashtirdi. Ilk bor 2006 yilda tilga olingan “Devor” loyihasi qayta jonlandi. Buyuk devor to’sig’iga simli to’siqlar ham ilova qilinishi aytilmoqda.