Qirg’iziston va Tojikiston hududlarni o’zaro almashtirishlari mumkin

Qirg’iziston bilan Tojikiston delegatsiyalari a’zolari Dushanbe shahrida 12-13 mayda bo’lib o’tgan muzokaralarda qirg’iz-tojik davlat chegarasida joylashgan ayrim hududlarni almashtirish mumkinligi muhokama qilishdi. Bu haqda Qirg’iziston hukumatining chegaralarni delimitatsiyalash bo’yicha maxsus komissiyasi vakili Qurbanbay Iskandarov ma’lum qildi.

Uning aytishicha, Qirg’iziston hududida ham, Tojikiston hududida ham eksklavlar mavjud. Q.Iskandarovning bildirishicha, bu hududlarni almashtirgan taqdirda har ikki mamlakat fuqarolari ular qaysi davlatning fuqarosi bo’lsa o’sha hududga ko’chiriladi.

“Ayni damda Tojikistondan Qirg’izistonga 3 ming 877 nafar kishidan iborat 881ta oila, shuningdek Qirg’izistondan Tojikistonga 100 kishidan iborat 30dan ortmagan oila ko’chiriladi”, – dedi Iskandarov.

U qo’shimcha qilib, ayrim hududlarni almashtirish masalasi hozirda ikki mamlakat vakillari tomonidan muhokama qilinayolganini aytdi.