«Alloh sizlardan imon keltirgan va yaxshi amallar qilgan zotlarga xuddi ilgari o’tgan (imon-e’tiqodli) zotlarni xalifa qilganidek ularni ham er yuzida xalifa qilishni va ular uchun O’zi rozi bo’lgan (Islom) dinini g’olib-mustahkam qilishni hamda ularning (ahvolini) xavfu-xatarlaridan so’ng tinchlik-xotirjamlikka aylantirib qo’yishni va’da qildi. Ular Menga ibodat qilurlar va Menga biron narsani sherik qilmaslar. Kim mana shu (va’da)dan keyin kufroni (ne’mat) qilsa, bas ular itoatsiz kimsalardir» [Nur 55]
Matbuot bayonoti
Pastkash Falastin ma’muriyati Rossiya konsulligi bilan til biriktirdi va Rossiyaning musulmonlarga qarshi qilayotgan jinoyatlari qoralangan maktubni konsullikka topshirgan Hizb ut-Tahrir delegatsiyasi a’zolaridan ikkitasini qamoqqa oldi
Darhaqiqat, Rossiyaning musulmonlarga, ayniqsa Hizb ut-Tahrirga nisbatan jinoyatlari kuchaymoqda. Rossiya o’z hududidagi va Rossiya tashqarisidagi, xususan Tataristondagi musulmonlarni o’ldirmoqda, qiynoqqa solmoqda hamda ularga nisbatan turli tuhmatlarni to’qib chiqarmoqda. Shuning uchun Hizb ut-Tahrir dunyo bo’ylab Rossiya elchixonalari oldida norozilik namoyishlarini uyushtirdi va prezident Putinga, Rossiya hukumatiga qaratilgan maktubni Rossiya konsulliklariga topshirdi.
Hizb ut-Tahrir-Falastin ham 2014 yil 17 fevral dushanba kuni Ramallohdagi Rossiya konsulligiga o’z delegatsiyasini yubordi. Delegatsiya Rossiya prezidenti va hukumatini musulmonlarga qarshi agressiyalari oqibatidan ogohlantirgan, Hizb ut-Tahrir yigitlariga nisbatan amalga oshirgan jinoyatlarini qoralagan maktubni topshirdi. Buning ortidan ayni o’sha kuni tunda xavfsizlik organlari delegatsiyaga rahbarlik qilgan Falastindagi Hizbning matbuot bo’limi a’zosi doktor Mis’ab Abu Arqubni qamoqqa oldi, kecha shanba kuni esa maktubni topshirgan delegatsiya a’zosi doktor Islom Ibrohimni va unga hamrohlik qilgan tasvirchini qamoqqa oldi.
Musulmonlarga nisbatan amalga oshirilayotgan jinoiy harakatlarga norozilik sifatida ajnabiylarning elchixonalariga rasmiy maktubni topshirgan siyosiy delegatsiyaning xavfsizlik organlari tarafidan qamoqqa olinishi ulkan jinoyat va terrorchilik harakati hisoblanadi hamda musulmonlarga nisbatan amalga oshirilayotgan jinoyatlarda ma’muriyatning Rossiyaga sherikligini anglatadi.
Bu ish ma’muriyatning mustamlakachi dushman davlatlarga va yahud vujudiga qanchalik itoatgo’yligini ko’rsatib turibdi. Chunki bu ma’muriyat ajnabiy dushmanlar oldida o’z hohishiga ega emas. U shunday ma’muriyatki, zulmga, jinoyatga, terrorga qarshi (yovuz Rossiya ham, itoatgo’y ma’muriyat ham bilmaydigan) hazoriy tariqat bilan o’z noroziligini ifodalagan tinch siyosiy delegatsiyani qamoqqa olish bilan bo’lsa ham dushman istaklariga javob qiladigan ma’muriyatdir.
Falastin xalqi bu arzimas ma’muriyatning voqe’sini yaxshi biladi. Bu ma’muriyat dushmanlar oldida laganbardorlik qiladi, xalq oldida va tinch fuqarolar oldida o’zini sherdek tutadi. U tinch fuqarolarni kechayu kunduz qo’rqitadi, uylaridagi anjomlarini oyoq osti qiladi, ayollar va yosh bolalarni ham tahlikaga soladi. Bu ayollar va yosh bolalar musulmonlar qo’shinidagi qudrat egalarini yordamga chaqirmoqda. Shoyad bu qo’shin roshid xalifa etakchiligida ularni bosqinchidan va uning asrandisi bo’lgan ma’muriyatdan qutqarish uchun bu muborak erga bostirib kelsa. Hizb ut-Tahrir buni amalga oshirish uchun tunni kunga ulab harakat qilmoqda. Albatta bu Allohning izni ila garchi kofirlar yoqtirmasalarda amalga oshajak.
«Darhaqiqat Alloh barcha narsa uchun miqdor-o’lchov qilib qo’ygandir» [Taloq 3]
Telefon: 0598819100
Elektron pochta: info@pal-tahrir.info
Falastindagi matbuot bo’limi sayti: www.pal-tahrir.info
