Hizbut Tahrirning Britaniyadagi matbuot bo’limi
Matbuot bayonoti
2013 yil 22 sentyabr yakshanba kuni Hizbut Tahrir Londonda Suriya ayolari va bolalarini qo’llab-quvvatlash maqsadida ayollar yurishi uyushtirdi. Yurishda 1200dan ortiq ayollar va bolalar qatnashdilar. Bir guruh bolalar qo’llarida tobut bilan Suriya rejimi tarafidan o’ldirilgan bolalar va go’daklar aks ettirilgan qo’g’irchoqlar ko’tarib olgan ushbu yurish Paddington Grindan boshlanib, Edguer yo’li bo’ylab Suriya elchixonasiga etib bordi. U erda Hizbning bir necha ayollari ma’ruza qildilar. Britaniyaning turli shaharlaridan kelgan yuzlab muslima ayollarning bolalari bilan London ko’chalarida oqib kelishlari juda ta’sirli manzara kasb etdi. Ular ushbu yuksak tadbirda ishtirok etib, Suriyadagi ayollar va bolalar chekayotgan mashaqqatlarga nisbatan jamoatchilik ongini ochish uchun hamda suriyalik ayollarning ilmoniy zolim Bashar Asad rejimini qulatish va yurtlarida Islomiy Xalifalik davlati barpo etish uchun bo’lgan kurashlariga, shu maqsadda jonlarini fido etishlariga nisbatan haqiqiy qo’llab-quvvatlov izhor etish uchun shimol va g’arbdan sharq va janubga yo’l oldilar. Darhaqiqat, bu yurishda qatnashgan ayollar Suriyadagi qirg’inni, islomiy yurtlar hokimlarining bu qirg’inni tomosha qilib, qo’l qovushtirib o’tirishganini, u erdagi ayollaru go’daklarning pokiza qonlarini himoya qilish uchun armiyalarini harakatga keltirmay, bunday qatli omning surunkali davom etilishiga yo’l qo’yayotganlarini qattiq qoraladilar. Shuningdek, ishtirokchi ayollar G’arb, BMT va ajnabiy davlatlarning aralashuviga ham o’z noroziliklarini bildirdilar. Chunki ular bu davlatlarning bunga o’xshash aralashuvlari islomiy olamda bir tog’utni ikkinchi tog’utga almashtirish bilan bo’lishi tarixdan meros ekanini yaxshi biladilar. Aksincha, yurish qatnashchilari islomiy armiyalarimizga Suriyadagi birodarlari va opa-singillari jonlarini mudofaa qilish hamda Islom olamida Xalifalik barpo etishga bo’lgan da’vatga nusrat-yordam berish yo’lida darhol safarbar bo’lishlari uchun kuchli nido yo’lladilar. Bir vaqtning o’zida, London ko’chalarilda ko’plab odamlar ayollarning Islomni siyosiy jihatdan qo’llab-quvvatlash uchun bo’lgan bunday ajoyib namoyishlarini dahshat bilan kuzatishdi.
Hizbut Tahrirning Britaniyadagi ayollar matbuot vakilasi Shahona Xon buni quyidagicha izohladi: «Hizbut Tahrir ushbu yurishni Suriyadagi ayollar va bolalarning ikki yarim yildan buyon butun dunyo jamoatchiligi ko’z o’ngida ilmoniy tog’ut Bashar Asad rejimi qo’lida boshdan kechirayotgan vahshiyona qirg’inlari, qiynoqlari va vayronalariga raddiya sifatida uyushtirdi. Biz shunday yurish uyushtirilishiga juda muhtojlik sezayotgandik. Birinchi maqsadimiz, Britaniyadagi muslima ayollarning Suriya krizisiga nisbatan G’arb davlatlari aralashuvini biror shaklda bo’lsa ham rad etayotganlarini butun dunyoga ko’rsatib qo’yish. Chunki biz bilamizki, bunga o’xshash aralashuv insonlarga g’amxo’rlik qilish o’rniga G’arb hukumatlari manfaatlariga xizmat qilsin uchun Asad o’rniga boshqa bir malayni osongina almashtirib qo’yadi. Bundan tashqari, bu aralashuv Suriyadagi musulmonlar qo’zg’olonini ham, ularning o’z yurtlariga bo’lgan islomiy intilishlarini ham bo’g’izlab tashlaydi. Ikkinchi maqsadimiz, Suriyadagi opa-singillarimizning o’z yurtlarida Xalifalik davlati barpo etish yo’lida olib borayotgan islomiy kurashlarini qo’llab-quvvatlaydigan Britaniyaning barcha tomonlaridagi juda ko’p sonli muslimalarni namoyish qilib qo’yish. Suriya elchixonasi oldida bir necha ayollarimiz so’zga chiqib, musulmonlar o’rtasini jamlab turuvchi o’xshashi yo’q birodarlik aloqasi haqida, binobarin, ularning aka-uka va opa-singillari qoni to’kilishini to’xtatish yo’lida faoliyat qilishdek islomiy mas’uliyatlari haqida so’zladilar. Shu bilan birga, Britaniyadagi muslima ayollarning Suriyada va butun Islom olamida haqiqiy siyosiy o’zgarishga muhit yaratishga yordam berish borasidagi rollari haqida ham so’z yuritdilar. So’zga chiqqan ayollar hozir bo’lgan ayollarni Suriya musulmonlari da’vati haqidagi tushunchalarini yanada yaxshilash va uni qo’llab-quvatlashlari uchun o’z oilalariga, Britaniya va butun dunyodagi dugonalariga, xususan, islomiy armiyalar safidagi tanishlariga bugungi uchrashuv haqida qay vosita bilan bo’lsa ham fikr berishga targ’ib qildilar.
Ushbu ulkan yurishimiz haqidagi nashra va videolavha 40dan ortiq davlatda faoliyat olib borayotgan Hizbut Tahrir a’zolari tarafidan o’z jamiyatlariga, jumladan, nufuzli kishilar va harbiy xizmatchilarga tarqatiladi. Shuning uchun Hizb olib borayotgan olamshumul harakatga bizning bu yurishimiz ham xissa qo’shib qoladi, degan umiddamiz. Toki, bugun daryo bo’lib oqayotgan qonlarga tezroq chek qo’yishga o’zaro ko’maklashaylik hamda Suriyadagi ayollar va bolalarga adolatli islomiy boshqaruv ostidagi yangi kelajak quraylik. Zero, bunday boshqaruv bu ayollarimiz e’tiqodlarini o’zida gavdalantiradi, ularning ehtiyojlarini sidqidildan qondiradi, qonlari va nomuslarini himoya qiladi, o’tgan o’nlab yillik zolim mustabidlik ortidan ularni xavfsiz, ilg’or, to’kin-sochin hayot bilan ta’minlaydi. Biz Hizbut Tahrir – Britaniya ayollarining Suriyadagi opa-singillarimiz yo’lidagi faoliyatlarimiz faqat shu yurish bilan nihoya topmaydi, balki u erdagi musulmonlar mashaqqatlari haqidagi ongni yanada kuchaytirish va mintaqada ketayotgan Islom uchun kurashni qo’llab-quvvatlash yo’lida Britaniyadagi islomiy diaspora orasida o’z faoliyatimizni davom ettiramiz.
Hizbut Tahrirning
Britaniyadagi matbuot bo’limi
