Ma’lumki, Saudiya Arabistoni AQShning Islom o’lkalaridagi eng yaqin ittifoqdoshlaridan hisoblanadi. U AQShning gapiga kirib, Suriya muxolifatini dastaklab kelayotgani ham hech kimga sir emas. Har doim xabarlarda Saudiya Arabistoni qirolligining AQSh bilan yaqinligi va mintaqadagi AQSh manfaati borasida u bilan hamkorlikda harakat olib borayotgani aytiladi.
Bundan tashqari AQSh bilan hamkor siyosat yuritib Suriya muxolifati tarafida turgan Saudiya qirolligi Ko’rfaz jangi, Afg’oniston va Iroq urushi hamda Yaman va Somali missiyalarida AQSh uchun politsiya bo’limi vazifasini bajarib kelgan.
Kuni kecha Saudiya Arabstoni razvedkasi boshlig’i shaxzoda Bandar ibn Sulton Rossiya prezidenti Vladimir Putin bilan uchrashib, agar Moskva Bashar Asadni qo’llab quvvatlashini kamaytirsa, buning evaziga Saudiya Rossiyadan 15 mlrd dollargacha miqdordagi rus qurolini sotib olishlikni taklif qilganligi ham buning bir dalilidir.
Ammo kutilmaganda yuzaga kelgan keyingi hodisalar esa Saudiya qirolligi Muxolif kuchlarni emas, balki Asad rejimini dastaklab kelganligini ko’rsatmoqda. Ma’lum bo’lishicha, muxolif kuchlar qo’lga kiritgan Asad tarafdorlariga tegishli harbiy avto ulovlar Saudiya arabistoniga tegishli ekanligi va 2012 yilda keltirilganligi aniqlangan.
Youtube.com portalida namoyish qilingan “Saudiya hokimiyati Asad rejimini dastaklamoqda”, (http://www.youtube.com/watch?v=SvOggiE_uLo) nomli video lavhada Asad kuchlariga tegishli harbiy avtoulovlarning muxolif kuchlar tomonidan qo’lga tushirilganligi aks ettirilgan. Unda qo’lga olingan harbiy avtoulovlar Sudiyaga tegishli ekanligini tasdiqlovchi dalillar ko’rsatilgan.