Suriya hukumatining kichik ko’lamli kimyoviy qurollarni ishga solganini sabab qilib, AQSh Suriyadagi isyonchilarga “bevosita harbiy yordam” berishini aytgan edi. Biroq Barak Obama Berlinda paytida Suriya muxolifatiga qanday harbiy yordam ko’rsatilishi haqida so’ralganda AQSh rahbari bunga aniq javob berishdan bosh tortdi. Uning aytishicha, Amerika Yaqin Sharqda yangi urushga o’ralashmaydi.
Ha, Amerika bu ishga o’zi aralashmaydi, balki sodiq qullarini safarbar qiladi.
Suriya do’stlarining yig’ilishida AQSh tashqi ishlar vaziri Jon kerri “Amerika Bashar Asad rejimi muxolifatlariga yordamini oshirmoqda, ammo vaziyatga o’zi bevosita aralashmoqchi emas. Masalaning asl echimi muzokaralarda”, dedi.
Amerika uchun Suriya masalasini muzokaralar orqali hal qilish lozim. Buning sababi shundaki, Suriya rejimining xavfsizlik va harbiy apparatining qulashi AQSh uchun yaxshi natija olib kelmaydi. Chunki Amerika rejasi bo’yicha muzokaralar orqali Suriya xavfsizlik va harbiy apparatining saqlanib qolishi lozim. Ana shunda bu apparat Asaddan keyingi yangi rejimning mustahkam yadrosini tashkil qiladigan bo’ladi, bu bilan esa Amerika Suriyada o’z nufuzi saqlanib qolishini kafolatlaydi.
Shuning uchun Amerika siyosati Suriya masalasiga muzokaralar orqali barham berish zarur degan asosga tayanib kelmoqda. Demak har qanday echim Amerika rejasibo’yicha, xavfsizlik apparati bilan harbiy muassasaning jips holda saqlanib qolishiga va yangi siyosiy rejimning tayanchiga aylanishiga olib kelishi lozim.
Suriya masalasiga harbiy aralashishni o’z og’zi bilan aytib turib ham, Amerikaning nega siyosiy echimga mahkam yopishib olganining sababi mana shu. Chunki AQSh uchun Suriyada Amerika nufuzi saqlanib qolishiga imkon beradigan kuchlar lozim.