AQSh prezidentining Afg’oniston va Pokiston bo’yicha maxsus vakili qilib tajribali diplomat Djeyms Dobbins tayinlandi. Bu haqda Davlat departamenti vakili Patrik Ventrell ma’lum qildi.
Maxsus vakilning vazifalariga mamlakatning mintaqada strategik maqsadlariga etishishligida Amerika rahbariyatining harakatlarini muvofiqlashtirish kiradi.
Bu lavozim 2012 yilning dekabrida Mark Grossmanning istefosidan buyon bo’sh qolib kelgan.
70 yoshli Djeyms Dobbins 1990-chi yillarda AQShning Yevropa Ittifoqidagi vakili bo’lgan, keyinroq esa Davlat departamentining Yevropa masalalari bo’yicha maslaxatchisi lavozimini egallab turgan. Bundan tashqari u har xil yillarda AQShning Bosniyadagi, Kosovo va Somalidagi maxsus vakili bo’lgan.