Turkiyada Idlib shahidlari uchun gʻoibona janoza namozi oʻqildi
Juma kuni Turkiyaning Anqara, Istambul, Bursa, Mersin, Gazanter, Adana, Shanliurfa va Konya shaharlarida juma namozidan soʻng Suriyaning Idlib shahrida qatl qilingan musulmonlar uchun gʻoibona janoza namozi oʻqildi. Hizb ut-Tahrir Turkiya viloyati tomonidan tashkil qilingan gʻoibona janoza namozidan soʻng Hizb ut-Tahrir Turkiya viloyati matbuot boʻlimining raisi Mahmud Qor Idlibdagi Musulmonlarga nisbatan Rossiyaning qirgʻinlari va Asad kuchlarining vahshiyliklari haqidagi “Idlib qirgʻin qilinmoqda, sukut saqlash bilan qotillarga sherik boʻlma” nomli matbuot bayonotini oʻqib eshittirdi.
Bayonotda demokratiya va ilmoniylikni rad qilib, faqat Allohning hukmini talab qilgan Musulmonlar kufr tomonidan terrorist deb eʼlon qilingani va ular ustida turli qurollarni sinovdan oʻtkazilayotganiga alohida urgʻu berildi. Shuningdek, Islom oʻlkalarining rahbarlariga, Musulmon armiyalarining qoʻmondonlariga, Islom ulamolari va mufakkirlariga, ommaviy axborot vositalari va barcha musulmonlarga alohida-alohida xitob qilindi. Agar Las-Vegasda yuz bergani kabi AQShda yoki gʻarb davlatlarida biror hodisa yuz berib, bir nechta insonlar halok boʻlsa, Islom oʻlkalarining rahbarlari ularga darhol hamdardlik bildirishi, ammo Idlibda bir oyning oʻzida uch mingdan oritiq musulmonlar qatl qilinishiga qaramay, ularning sukut saqlab turishi tanqid qilindi.
“Yuz minglagan insonlar qatl qilindi. Ammo sizlar shu qotillikni amalga oshirgan davlatlar bilan doʻstligingizni davom ettiryapsiz. IShIDga qarshi kurash bahonasida AQSh boshchiligidagi koalitsiyaga qoʻshildingiz, havo bazalaringizni, portlaringizni kofirlarga ochib berdingiz. Bu ham yetmaganday, samalyotlaringiz bilan harbiy amaliyotlarga qatnashdingiz. Ammo Musulmonlar uchun qachon harakatga kelasiz? Sizning qoʻzgʻalishingiz uchun yana qancha maktablar, yana qancha shifoxonalar, yana qancha masjidlar bombalanishi kerak, yana qancha musulmonlar qatl qilinishi kerak?”, deyiladi jumladan bayonotda.
