Biz muslimalarmiz, kofirlar qonuniga rozi bo‘lmaymiz, Allohga Robbimiz deya rozi bo‘lganmiz
Yo‘qolsin bunday xor tuban hukumat!
Sudanga kelgan amerikalik mas‘ula bu yurtda ikki jins o‘rtasidagi tenglikni qo‘llab-quvvatlovchi kuchli qonunlarning tatbiq etilishini orziqib kutayotganini aytdi. Bu qonunlar jumlasiga turmush qurish yoshi chegarasini ko‘taradigan, ayollar xatnasini taqiqlaydigan va ayollarga qarshi zo‘ravonlikni bartaraf qiladigan qonunlar hamda bulardan tashqari, qonuniy islohotga muhtoj deb qaralgan qonunlar kiradi. Ketrin Rassel ismli bu elchi ayol o‘tgan yakshanba Xartumga keldi. Safarini Aholini ijtimoiy muhofaza qilish va ta‘minot vazirasi Mashair Davalab xonim bilan mubohasa qilishdan boshladi. Uning aytishicha, u bilan uchrashgan ayollar ”siyosiy va iqtisodiy dialogga o‘z hissalarini qo‘shish orqali muhandislik, sport, qonunchilik, tibbiyot sohalarida yuksak samaralarga erishganlar”. (Sudan Tarbiyun).
AQShning bunday qonunlar bilan Sudandagi muslima ayollar masalasiga burnini suqib, ularga o‘z nuqtai nazarini zo‘rlab tiqishtirishi birinchi marta bo‘layotgani yo‘q va bu oxirgisi ham emas. Uning bu qonunlarini qabul qilgan hukumat esa Allohdan qo‘rqish o‘rniga, G‘arbning g‘azabidan qo‘rqadi. Natijada, Alloh bu hukumatga g‘azabi keldi va uning o‘zini ham G‘arbning g‘azabiga uchratdi. Endi G‘arb bu hukumatdan rozi bo‘lishi qiyin. Uni rozi qilish uchun hukumat siyosatlaridan – bu siyosatlari shundoq ham chala-chulpa – yanada ko‘proq yon berishga va oqibatda bizni to‘g‘ridan-to‘g‘ri Amerika qo‘liga topshirib qo‘yishiga to‘g‘ri keladi.
Ey buyuk sahobalarni nabiralari bo‘lgan muslimalar! Ey Alloh uchun qiyomda turuvchi va sajda qiluvchi ayollar! Ey Allohning ushbu kalomida nomlangan muslimalar:
هُوَ سَمَّاكُمُ الْمُسْلِمِينَ مِن قَبْلُ وَفِي هَٰذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَىٰ وَنِعْمَ النَّصِيرُ
“(Allohning) O‘zi sizlarni ilgari(gi muqaddas kitoblarida) ham mana shu (Qur‘onda) ham musulmonlar, deb atadi. Bas, namozni barpo eting, zakotni ado qiling va Allohga bog‘laning, U sizlarning hojangizdir. Bas, U naqadar yaxshi hoja va naqadar yaxshi nusrat beruvchidir” [Haj 78]
Sizga yaxshi ma‘lumki, g‘arblik xotin-qizlar ozgina bo‘lsa ham o‘zlarida chiroyli suratni namoyon qilisholmadi, faqat G‘arb ommaviy axborot vositalarigina ularni shunday bo‘rttirib ko‘rsatmoqda, xolos. Ular eng yomon ahvolda yashaydilar. Bunga sanoqsiz dalillar va guvohlar bor. Masalan, AQSh kasalliklarni nazorat qilish markazi chiqargan hisobotga ko‘ra, AQShda ayollar bilan jinsiy aloqa qiluvchi bitta erkakka olti ayol to‘g‘ri keladi, hatto o‘z hayotida 15 ayol bilan zino qilgan erkaklar 29 %dan ziyodni tashkil qiladi. Shu ayollardan biri ayni zinolardan homilador bo‘lsa, buning og‘irligi-muammosi ayolning o‘ziga tushadi: yo shu valadi zinoni tug‘ib tarbiya qilishi lozim bo‘ladi, yoki uni o‘ldirishi lozim bo‘ladi. Buni hozirda abort deyishadi. Amerikada – statistik ma‘lumotlarga qaraganda – faqat ayol tomonidan (otasiz) boqiluvchi oila soni 10.4 millionni tashkil qiladi. Kasalliklarni nazorat qilish va oldini olish markazi chiqargan hisobotga ko‘ra, birgina Amerikaning o‘zida yiliga bir milliondan ziyod chaqaloq abort qilinadi!!
Bu ayollarning qiyinchiliklari faqat xiyonat qilishgagina cheklanmaydi. Balki ular fahsh ishlarning keng tarqalishi oqibatida halok qiluvchi jinsiy kasalliklarga ham duchor bo‘ladilar. Amerikada davolab bo‘lmaydigan jinsiy kasalliklarga chalinganlar 65 millionni tashkil qiladi. Bu CNN va AQSh kasalliklarni nazorat qilish markazi chiqargan hisobotga ko‘radir. Amerika adliya vazirligi ma‘lumotiga ko‘ra esa, Amerikada bir yilda 683 ming nafar ayol jinsiy tajovuz qurboni bo‘ladi. Bu soatiga 78 ayol, degani. Ma‘lumki, sodir etilgan jinsiy tajovuzlardan atigi 16 %igina xabar qilinadi!!
Ey itoatgo‘y pokiza muslimalar!
Sudan hukumati Amerikaning mana shunga o‘xshash ziyoratlar va takliflarining Sudanga kirishiga yo‘l qo‘ymoqda. Amerika esa sizni ham amerikalik ayollar tushgan tuban ahvolga tushirmoqchi. Hukumat shunday ishlarga yo‘l qo‘yishi bilan siz muslimalardan Islom siymosini o‘chirish uchun o‘zini kofirlar qo‘lida qo‘g‘irchoq qilib bermoqda. Bas, o‘zingizni bunday qilishiga rozi bo‘lmang. Chunki Alloh sizni buyuk shariat bilan mukarram qildi, bu shariat sizni faqat Alloh Subhanahuning O‘ziga qul qiladi va beqiyos darajada pok ayollarga aylantiradi. Shariat ayollarni jarlikdan tortib chiqaradi, zulmu zulmat, xo‘rligu xorlik bulutlarini boshlaridan tarqatib yoyib yuboradi. Darhaqiqat, ayollarni g‘oyat hurmat-izzatli makonga qo‘ydi, buday makonni millatlar orasidan topib bo‘lmaydi. Bas, shunday ekan, Payg‘ambarlik minhoji asosidagi roshid Xalifalik davlatida Allohning ushbu shariatini qayta barpo qilishga harakat qiling, ana shunda hurmat-izzatli pokiza hayotga noil bo‘lasiz.
مَنْ عَمِلَ صَالِحًا مِنْ ذَكَرٍ أَوْ أُنْثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ
“Erkakmi yo ayolmi – kimda-kim mo‘min bo‘lgan holida solih amal qilsa, bas, Biz unga pokiza hayot ato eturmiz va
ularni o‘zlari qilib o‘tgan amallaridan chiroyliroq ajr-savoblar bilan mukofotlaymiz” [Nahl 97]
Hizb ut-Tahrirning Sudan
viloyatidagi rasmiy notiqasi – ayollar qismi
Elektron pochta: tageer312@gmail.com
